គោលបណងសំខាន់នៃការសិក្សានេះ គឺដើម្បីបង្កើនការយល់ដឹងអំពីចរាចរឈើនៅក្នុងប្រទេសកម្ពុជា និងដើម្បីយល់ដឹងអំពីតួនាទីរបស់អង្គភាពរាជរដ្ឋាភិបាលដែលពាក់ព័ន្ឋក្នុងការត្រួតពិនិត្យខ្សែសង្វាក់ផ្គត់ផ្គង់ឈើ ចាប់ផ្តើមពីតំបន់ព្រៃ ឬ ចំណុចនាំចូល/នាំចេញ រហូតដល់ការកែច្នៃ និងការធ្វើពាណិជ្ជកម្ម។ ការសិក្សានេះបានធ្វើការវិភាគអំពីបទដ្ឋានគតិយុត្តិ និង នីតិវិធីដែលមានបច្ចុប្បន្ន នៅកម្ពុជា ហើយកំណត់បណ្តាបញ្ហាចាំបាច់ដែលត្រូវដោះស្រាយ ដើម្បីធានាភាពស្របច្បាប់ក្នុងការផ្គត់ផ្គង់ឈើនៅកម្ពុជា។ ការសិក្សានេះ គឺផ្អែកលើមូលដ្ឋានទិន្នន័យដែលប្រមួលពីបណ្តាអង្គភាពរាជរដ្ឋាភិបាល និងការចុះដល់មូលដ្ឋាន នៅភ្នំពេញ ខេត្តមណ្ឌលគិរី ខេត្តកោះកុង និងខេត្តព្រះសីហនុ។