សេចក្តីបង្គាប់នេះត្រូវបានធ្វើឡើងដោយក្រុមប្រឹក្សាអាជ្ញាកណ្តាលទៅលើករណីវិវាទនៃភាគី ក្រុមហ៊ុន ជីន យី ហ្គាមេន (ខេមបូឌា) (និយោជក) និងភាគីតំណាងកម្មករនិយោជិតក្នុងការដោះស្រាយវិវាទការងាររួមនៃក្រុមហ៊ុន ជីន យី ហ្គាមេន (ខេមបូឌា) (កម្មករនិយោជិត)។ យោងតាមសេចក្តីបង្គាប់អាជ្ញាកណ្តាលមានការទាមទារចំនួន១ពីកម្មករនិយោជិត នៅក្នុងរបាយការណ៍ផ្សះផ្សាមិនសះជារួមមាន៖ ​១) កម្មករ​ទាមទារ​ឱ្យ​ក្រុមហ៊ុន​បង់​ប្រាក់​ឈ្នួល ១០០% ក្នុង​ពេល​ព្យួរ​ការងារ។​ សេចក្តីសម្រេច និងបង្គាប់នៃសេចក្តីបង្គាប់នេះ និយោជក​ត្រូវ​បាន​បញ្ជា​ឱ្យ​បង់​ប្រាក់​ឈ្នួល​គោល ១៩០ ដុល្លារ​ក្នុង​មួយ​ខែ ចាប់​ពី​ថ្ងៃ​ទី១ ខែ​មករា ឆ្នាំ២០២០ រហូត​ដល់​ការងារ​របស់​ពួក​គេ​បាន​ចាប់​ផ្តើម​ឡើង​វិញ​ដូច​ធម្មតា។ នេះគឺជាសេចក្តីបង្គាប់មិនជាប់កាតព្វកិច្ច។

• ភាសាខ្មែរ