សេចក្តីបង្គាប់នេះត្រូវបានធ្វើឡើងដោយក្រុមប្រឹក្សាអាជ្ញាកណ្តាលទៅលើករណីវិវាទនៃភាគី ក្រុមហ៊ុន ខេមបូឌា អ៊ែរផត មែនីជ្ជមែន សឺវីស (និយោជក) និងភាគីសហជីពកម្មករនិយោជិតឯករាជ្យព្រលានយន្តហោះអន្តរជាតិភ្នំពេញ, សហជីពកម្មករឧស្សាហកម្មទេសចរណ៍កម្ពុជា នៃព្រលានយន្តហោះសៀមរាប (កម្មករនិយោជិត)។ យោងតាមសេចក្តីបង្គាប់អាជ្ញាកណ្តាលមានការទាមទារចំនួន៣ពីកម្មករនិយោជិត នៅក្នុងរបាយការណ៍ផ្សះផ្សាមិនសះជារួមមាន៖ ១) និយោជកបន្តជាមួយនឹង CBA ពីមុន។ ២) និយោជកកាត់ថ្លៃឈ្នួល ១ដុល្លារក្នុងមួយខែពីកម្មករដែលមិនមែនជាសមាជិកសហជីព ប៉ុន្តែទទួលបានអត្ថប្រយោជន៍ពី CBA។ ៣) និយោជកផ្តល់ប្រាក់រង្វាន់ខែទី១៣ និងអត្ថប្រយោជន៍ផ្សេងៗទៀតដល់កម្មករ។ សេចក្តីសម្រេច និងបង្គាប់នៃសេចក្តីបង្គាប់នេះ បញ្ហាទី១ និង ២ ត្រូវបានច្រានចោល។ ក្រុមប្រឹក្សា​បាន​បដិសេធ​មិន​ពិចារណា​លើ​បញ្ហា​ទី៣។ នេះគឺជាសេចក្តីបង្គាប់មិនជាប់កាតព្វកិច្ច។

• ភាសាខ្មែរ