យុទ្ធសាស្ត្រស្តីពីកិច្ចសហប្រតិបត្តិការអភិវឌ្ឍន៍ និងភាពជាដៃគូ ឆ្នាំ២០២៤-២០២៨ មានគោលបំណងបង្កើតក្របខ័ណ្ឌសម្រាប់លើកកម្ពស់ស័ក្តិសិទ្ធិភាព និងប្រសិទ្ធិភាពនៃកិច្ចសហប្រតិបត្តិការអភិវឌ្ឍន៍ ដើម្បីរួមចំណែកអនុវត្តបណ្តាអាទិភាពជាតិដែលមានចែងក្នុងយុទ្ធសាស្ត្របញ្ចកោណ-ដំណាក់កាលទី ១ ទន្ទឹមនឹងពេលដែលកម្ពុជាត្រៀមចាកចេញពីក្រុមប្រទេសមានការអភិវឌ្ឍតិចតួច និងឈានទៅសម្រេចគោលដៅអភិវឌ្ឍន៍ប្រកបដោយចីរភាពកម្ពុជា។ ដើម្បីសម្រចគោលបំណងខាងលើ គោលដៅជាយុទ្ធសាស្ត្រចំនួន ៥ ត្រូវបានកំណត់ដូចតទៅ៖ (១) ពង្រឹងភាពជាម្ចាស់ និងភាពជាអ្នកដឹកនាំរបស់រាជរដ្ឋាភិបាលក្នុងកិច្ចសហប្រតិបត្តិការអភិវឌ្ឍន៍ (២) លើកកម្ពស់ស័ក្តិសិទ្ធិភាពនៃដំណើរការយន្តការភាពជាដៃគូប្រកបដោយបរិយាបន្នរវាងរាជរដ្ឋាភិបាល និងតួអង្គអភិវឌ្ឍន៍ (៣) បង្កើនប្រសិទ្ធភាពនៃការអនុវត្តឧបករណ៍គន្លឹះ ដែលឆ្លុះបញ្ចាំងអំពីការទទួលខុសត្រូវរួមគ្នាលើលទ្ធផលក្នុងកិច្ចអភិវឌ្ឍន៍តាមវិស័យ និងតាមការដ្ឋានកំណែទម្រង់របស់រាជរដ្ឋាភិបាល (៤)​ជំរុញការផ្សព្វផ្សាយជាសាធារណៈឱ្យកាន់តែទូលំទូលាយថែមទៀតនូវព័ត៌មានស្តីពីកិច្ចសហប្រតិបត្តិការអភិវឌ្ឍន៍ និង (៥) អនុវត្ត និងតាមដានលទ្ធផលនៃការអនុវត្តការប្តេជ្ញាស្តីពីការលើកកម្ពស់ស័ក្តិសិទ្ធិភាព និងប្រសិទ្ធភាពនៃកិច្ចសហប្រតិបត្តិការអភិវឌ្ឍន៍។

• ភាសាខ្មែរ