រាជរដ្ឋាភិបាលបានប្រគល់តួនាទីភារកិច្ចឱ្យក្រុមប្រឹក្សាអភិវឌ្ឍន៍កម្ពុជា ក្នុងការរៀបចំ និងអនុវត្តក្របខណ្ឌតាមដាន និងវាយតម្លៃការអនុវត្តផែនទីបង្ហាញផ្លូវដើម្បីធានាបាននូវការអនុវត្តផែនទីបង្ហាញផ្លូវការអភិវឌ្ឍវិស័យយានយន្តនិងអេឡិចត្រូនិចកម្ពុជាប្រកបដោយប្រសិទ្ធិភាព និងប្រសិទ្ធិផលខ្ពស់។ ក្របខណ្ឌតាមដាន និងវាយតម្លៃនេះកំណតយកវិសាលភាពនៃការពិនិត្យតាមដាន និងវាយតម្លៃ លើគន្លងអភិវឌ្ឍន៍ដំណាក់កាលទី១ និងមានគោលបំណងចម្បងចំនួន២ រួមមាន៖ (១) ផ្តល់ជាមគ្គុទេសក៏សម្រាប់តម្រង់ទិសការតាមដាន និងវាយតម្លៃការអនុវត្តផែនទីបង្ហាញផ្លូវស្របតាមទ្រឹស្តីបរិវត្តកម្ម (Theory of Change) សំដៅជំរុញនៃការអនុវត្តប្រកបប្រសិទ្ធភាព និងប្រសិទ្ធផល (២) ជាធាតុចូលយ៉ាងសំខាន់សម្រាប់ដោះស្រាយបញ្ហាប្រឈម និងតម្រង់ទិសការអនុវត្តផែនទីបង្ហាញផ្លូវ សម្រាប់គន្លងអភិវឌ្ឍន៍បន្ទាប់ ដើម្បីឆ្ពោះទៅសម្រេចបានពេញលេញនូវចក្ខុវិស័យរយៈពេលវែង។

• ភាសាខ្មែរ