ការបោះឆ្នោតជាតិនៅឆ្នាំ២០១៣ គឺជាការសាកល្បងមួយដ៏សំខាន់លើលទ្ធភាពរបស់ប្រទេសកម្ពុជា ក្នុងការដោះស្រាយគុណ​វិបត្តិពីអតីតកាលនៃដំណើរការបោះឆ្នោត។ បើទោះជានៅមានកម្រិតនៅឡើយ ជំហានវិជ្ជមានសំដៅធានាដល់ការចូលរួមពីគ្រប់ភាគី ត្រូវបានសំដែងឡើងតាមរយៈការលើកលែងទោសពីព្រះមហាក្សត្រចំពោះមេដឹកនាំគណបក្សប្រឆាំង សម រង្ស៊ី តាមសំណើរបស់នាយករដ្ឋមន្រ្តី ហ៊ុន សែន។ ចំណុចវិជ្ជមានទីពីរ គឺការថយចុះគួរកត់សម្គាល់លើអំពើហិង្សារទាក់ទងនឹងការបោះឆ្នោត។ លើសពីនេះ ការកើនឡើងនូវតួនាទីរបស់ប្រព័ន្ធផ្សព្វផ្សាយសង្គម អនុញ្ញាាតឲ្យមានការចែករំលែកព័ត៌មាន និងទស្សននយោបាយ ប្រសើរជាងការបោះឆ្នោតមុនៗ។

• ភាសាអង់គ្លេស