ផែនការអភិវឌ្ឍន៍ទីក្រុងនិរន្តរភាពសម្រាប់រាជធានីភ្នំពេញ ឆ្នាំ២០១៨-២០៣០ នេះ បានបង្ហាញនូវទិដ្ឋភាពទូទៅយ៉ាងច្បាស់លាស់ និងជាក់ស្តែង អំពីស្ថានភាពបច្ចុប្បន្ននៅរាជធានីភ្នំពេញ រួមទាំងបញ្ហាប្រឈម និងកាលានុវត្តភាពបច្ចុប្បន្ន នៃការអភិវឌ្ឍបៃតងនៅក្នុងទីក្រុង។ ផែនការនេះ បានបង្ហាញ នូវយុទ្ធសាស្ត្រមួយចំនួន ដើម្បីឈានទៅសម្រេចបានចក្ខុវិស័យ និងបេសកកម្មទីក្រុងបៃតង និងសកម្មភាពជាអាទិភាពក្នុងវិស័យសំខាន់ៗទាំង៨ ក្នុងការអភិវឌ្ឍតំបន់ទីក្រុង។ ផែនការនេះ បានផ្តល់នូវតារាងសង្ខេបគោលគំនិតនៃគម្រោងវិនិយោគបៃតងជាអាទិភាពចំនួន ៤៨គម្រោង ដែលគម្រោងទាំងនោះនឹងជួយគាំទ្រទៅដល់យុទ្ធសាស្ត្រ និងផែនការមេសម្រាប់អភិវឌ្ឍន៍រាជធានីភ្នំពេញ។

• ភាសាអង់គ្លេស