ខេត្តសៀមរាប គឺជាទីក្រុងធំលំដាប់ទីពីរ និងជាគោលដៅទេសចរណ៍ដ៏ពេញនិយមបំផុតនៅក្នុងប្រទេសកម្ពុជា ហើយជាទីតាំងនៃរមណីយដ្ឋានបេតិកភណ្ឌពិភពលោកអង្គរវត្ត។ កំណើនភ្ញៀវទេសចរ (មុនសម័យកូវីដ-១៩) បានបង្កផលប៉ះពាល់អវិជ្ជមានដល់បរិស្ថាន រួមទាំងការបំភាយឧស្ម័នផ្ទះកញ្ចក់ (GHG) និងការកកស្ទះចរាចរណ៍។ ជាលទ្ធផល, ឥឡូវនេះមានតម្រូវការពិចារណានូវការដាក់ចេញនូវវិធានការបន្ធូរបន្ថយផលប៉ះពាល់មួយចំនួន ដែលរួមមានប្រព័ន្ធដឹកជញ្ជូនឆ្លាតវៃ និងចីរភាព ដូចជា រថយន្តក្រុងអគ្គិសនីសាធារណៈ ជាដើម។ ការសិក្សានេះវាយតម្លៃលទ្ធភាពបច្ចេកទេស, បរិស្ថាន, និងហិរញ្ញវត្ថុ នៃការដាក់ឱ្យប្រើប្រាស់ខ្សែរថយន្តក្រុងថ្មីចំនួនបី ជាគម្រោងសាកល្បងដោយប្រើប្រាស់ យានយន្តកាបូនទាប។ ខ្សែរថយន្តក្រុងសាកល្បងទាំងបីនេះ ត្រូវបានស្នើឡើងដោយ នាយកដ្ឋានដឹកជញ្ជូនសាធារណៈក្នុងទីក្រុង នៃក្រសួងសាធារណការ និងដឹកជញ្ជូនកម្ពុជា។

• ភាសាអង់គ្លេស