ដើម្បីឆ្លើយតបទៅនឹងការវិលត្រឡប់ដ៏ច្រើនសន្ធឹកសន្ធាប់របស់ពលករចំណាកស្រុកកម្ពុជាជាង ៩១០.០០០ នាក់ ពីប្រទេសថៃក្នុងឆ្នាំ២០២៥ របាយការណ៍នេះដែលរៀបចំដោយ CDRI និង ERIA បានគូសបញ្ជាក់ពីកម្មវិធីអន្តរាគមន៍ដ៏ទូលំទូលាយមួយ ដើម្បីដោះស្រាយបញ្ហាប្រឈមផ្នែកសេដ្ឋកិច្ច និងសង្គមដែលកើតឡើង។ កម្មវិធីនេះស្នើឡើងនូវវិធានការរយៈពេលខ្លី ដូចជាការផ្ទេរសាច់ប្រាក់សង្គ្រោះបន្ទាន់ ការបន្ធូរបន្ថយបំណុល ការផ្តល់ការងារសាធារណៈ និងការបញ្ជាក់ជំនាញ ដើម្បីរក្សាស្ថិរភាពគ្រួសារដែលរងផលប៉ះពាល់។ ចំណែកយុទ្ធសាស្រ្តរយៈពេលមធ្យមវិញ ផ្តោតលើវិស័យកែច្នៃកសិផល ការអភិវឌ្ឍសហគ្រាសធុនតូច និងមធ្យម ការធ្វើពិពិធកម្មឧស្សាហកម្ម និងការពង្រីកហេដ្ឋារចនាសម្ព័ន្ធ ដើម្បីធានាបាននូវការធ្វើសមាហរណកម្មប្រកបដោយចីរភាព។

• ភាសាអង់គ្លេស