របាយការណ៍នេះ គឺផ្អែកលើការប្រមូលនិងចងក្រងព័ត៌មានមកពីសារព័ត៌មានបោះពុម្ពផ្សាយ និងលើអ៊ីនធឺណេត និងបណ្តាញអ្នកសង្កេតការរបស់ខុមហ្វ្រែល នៅ២៤ ខេត្ត រាជធានី ក្នុងប្រទេសកម្ពុជា។ ក្នុងបណ្តាររាជធានីខេត្តទាំងនោះ រាជធានីភ្នំពេញ ខេត្តកណ្តាល និងខេត្តព្រះវិហារ ត្រូវបានរកឃើញថាមានអត្រាខ្ពស់នៃការរំលោភលើធនធានរដ្ឋ ​បើធៀបនឹងផ្នែកដទៃទៀតនៃប្រទេសកម្ពុជា។ ចាប់ពីខែមករា ដល់ខែធ្នូ ឆ្នាំ២០១៥ ២៩៧ករណី ត្រូវបានរកឃើញថាពាក់ព័ន្ធនឹងការប្រើប្រាស់ធនធានរដ្ឋមិន ត្រឹមត្រូវ និងអំពើពុករលួយនយោបាយ ក្នុងចំនួននោះ មាន ១៣៣ ករណី ទាក់ទងនឹងការប្រើប្រាស់ធនធានរដ្ឋក្នុងគោលបំណងបម្រើឲ្យគណបក្សនយោបាយ។ ភាគច្រើននៃករណីទាំងអស់ ត្រូវបានរាយការណ៍ថាបានប្រព្រឹត្តដោយមន្រ្តីរាជការ។

• ភាសាខ្មែរ