ក្រុងបាត់ដំបង និងក្រុងផ្សេងៗទៀតត្រូវបានជ្រើសរើស ដើម្បីអភិវឌ្ឍផែនការយុទ្ធសាស្ត្រអភិវឌ្ឍន៍ទីក្រុងប្រកបដោយចីរភាព។ ការអន្តរាគមន៍មួយក្នុងចំណោមការអន្តរាគមន៍ជាច្រើន ដែលកំណត់អាទិភាពដោយក្រុងបាត់ដំបង គឺពង្រីកវិសាលភាពនៃការកែច្នៃសំណល់រឹងក្នុងក្រុងឱ្យមានទំហំធំជាងមុន។ របាយការណ៍នេះឆ្លុះបញ្ចាំងពីការវិភាគស្ថានភាពគ្រប់គ្រងសំណល់រឹងក្នុងក្រុង និងមានអនុសាសន៍ដែលបានស្នើរឡើងជាផ្នែកមួយនៃគម្រោងនេះ ដើម្បីដោះស្រាយបញ្ហាជាក់ស្តែង។ ក្រោយបោះពុម្ពផ្សាយរបាយការណ៍នេះ វិទ្យាស្ថានអភិវឌ្ឍន៍បៃតងសកល និង ក្រុមប្រឹក្សាជាតិដើម្បីការអភិវឌ្ឍប្រកបដោយចីរភាព ព្រមទាំងរដ្ឋបាលក្រុងបាត់ដំបង នឹងធ្វើការរួមគ្នា ក្នុងការអនុវត្តអនុសាសន៍ដែលបានលើកឡើង។

• ភាសាអង់គ្លេស