របាយការណ៍ បង្ហាញពីលទ្ធផលនៃការធ្វើសវនកម្មលើបញ្ជីឈ្មោះអ្នកបោះឆ្នោត ឆ្នាំ២០១៦ ដោយគណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា (ខុមហ្វ្រែល)។ ខុមហ្វ្រែល បានដាក់ពង្រាយអ្នកសង្កេតការ ២៦៩នាក់ ដើម្បីធ្វើការសិក្សាលើបញ្ជីឈ្មោះតាមពីរវិធីសាស្រ្ត៖ ពីមនុស្សទៅបញ្ជី នៅខែធ្នូ ឆ្នាំ២០១៦ និងពីបញ្ជីទៅមនុស្ស នៅខែមករា ឆ្នាំ២០១៧។ លទ្ធផលពីការធ្វើសវនកម្មនេះ បង្ហាញថា មានការធ្វើឲ្យកាន់តែប្រសើរឡើងលើគុណភាពបញ្ជីឈ្មោះឆ្នាំ២០១៦ លើភាពពេញលេញ បច្ចុប្បន្នភាព និងភាពត្រឹមត្រូវ បើធៀបនឹងបញ្ជីឆ្នាំមុន។ សវនកម្ម បង្ហាញថា ៨៩.៣ ភាគរយ នៃប្រជាពលរដ្ឋមានសិទ្ធិបោះឆ្នោត ដែលកំពុងរស់នៅក្នុងប្រទេសកម្ពុជា មានឈ្មោះនៅលើបញ្ជី ក្នុងនោះ ឈ្មោះ ៩៨ ភាគរយ អាចផ្ទៀងផ្ទាត់នៅលើបញ្ជីបាន។

• ភាសាអង់គ្លេស
• ភាសាខ្មែរ