• အင်္ဂလိပ်ဘာသာစကား
• ဗမာဘာသာစကား

ဤ အစီရင်ခံစာသည် မြန်မာအပြည်ပြည်ဆိုင်ရာဆိပ်ကမ်း သီလဝါလိမီတက် (MITT) က မြန်မာနိုင်ငံ ရင်းနှီးမြုပ်နှံမှုကော်မရှင် (MIC) လမ်းညွှန်ချက်နှင့်အညီ ပတ်ဝန်းကျင်ထိန်းသိမ်းရေး ဦးစီးဌာန (ECD) သို့တင်သွင်းထားခြင်းဖြစ်ပါသည်။ ဤစီမံကိန်းမြေအကျယ်အဝန်းစုစုပေါင်းမှာ (၇၅) ဟက်တာ (၁၈၅ ဧက) ဖြစ်ပါသည်။ လုပ်ငန်းတည်ဆောက်ခြင်း၊ လုပ်ငန်းလည်ပတ်ဆောင်ရွက်ခြင်းနှင့် လွှဲပြောင်းပေးအပ် ခြင်း(BOT) သဘောတူစာချုပ်ကို (MITT) ကုမ္ပဏီနှင့် မြန်မာ့ဆိပ်ကမ်းအာဏာပိုင်ဌာနအကြား ချုပ်ဆို ခဲ့ခြင်းဖြစ်ပြီး ရင်းနှီးမြုပ်နှံမှုကာလမှာ နှစ် (၅၀) ဖြစ်၍ (၁၀) နှစ် (၂) ကြိမ်သက်တမ်းတိုးခွင့်ရှိပါသည်။ ဤ ပတ်ဝန်းကျင်စီမံခန့်ခွဲမှုအစီအစဉ် (EMP) လေ့လာမှုအစီရင်ခံစာ ဖော်ထုတ်ပြုစုရခြင်း၏ အဓိက ရည်ရွယ် ချက်မှာ (MITT) ကုမ္ပဏီအနေဖြင့် ဆိပ်ကမ်းလုပ်ငန်းလည်ပတ်ဆောင်ရွက်ရာတွင် သဘာဝပတ်ဝန်းကျင် နှင့် လူမှုစီးပွါးထိခိုက်နိုင်ခြေများကို အနိမ့်ဆုံးသို့လျော့ချနိုင်ရန်အတွက်လုံလောက်၊ မှန်ကန်သော ကြိုတင် ကာကွယ်ရေးအစီအမံများနှင့်အညီ လုပ်ကိုင်ဆောင်ရွက်စေရန် ဖြစ်ပါသည်။