ဆိုက်ဘာလုံခြုံရေးဥပဒေ (မူကြမ်း) - မူကြမ်း ၀ (၂၀၂၁ ဖေဖော်ဝါရီ ၆) ကို ပြုစုရေးဆွဲထားရှိပြီးဖြစ်ပါ၍ ဆိုက်ဘာလုံခြုံရေးဥပဒေ (မူကြမ်း) - မူကြမ်း ၀ (၂၀၂၁ ဖေဖော်ဝါရီ ၆) အပေါ် သဘောထားမှတ်ချက် ပေးရန်ရှိပါက ပြန်ကြားပေးပို့နိုင်ပါရန် ပို့ဆောင်ရေးနှင့်ဆက်သွယ်ရေးဝန်ကြီးဌာန လက်အောက်ရှိ ဆက်သွယ်ရေးညွှန်ကြားမှုဦးစီးဌာနမှ မိုဘိုင်းဆက်သွယ်ရေးအော်ပရေတာများအားလုံး နှင့် ဆက်သွယ် ရေးဝန်ဆောင်မှုလုပ်ငန်းလိုင်စင်ရကုမ္ပဏီများအားလုံးထံသို့ ဆိုက်ဘာလုံခြုံရေးဥပဒေမူကြမ်းနှင့်အတူ ပြည်ထောင်စုဝန်ကြီးရုံးက ရည်ညွှန်းပါစာဖြင့် (၂၀၂၁) ခုနှစ် ဖေဖော်ဝါရီလ (၉) ရက်နေ့တွင် ပေးပို့အကြောင်းကြားလာပါသည်။ သို့ဖြစ်ပါ၍ မိုဘိုင်းဆက်သွယ်ရေးအော်ပရေတာများနှင့် ဆက်သွယ် ရေးဝန်ဆောင်မှုလုပ်ငန်းလိုင်စင်ရကုမ္ပဏီများအနေဖြင့် ပူးတွဲပါ ဆိုက်ဘာလုံခြုံရေးဥပဒေ (မူကြမ်း) - မူကြမ်း ၀ (၂၀၂၁ ဖေဖော်ဝါရီ ၆) အပေါ် သဘောထားမှတ်ချက်အား (၂၀၂၁) ခုနှစ် ဖေဖော်ဝါရီလ (၁၅) ရက်နေ့နောက်ဆုံးထား၍ အောက်ဖော်ပြပါလိပ်စာသို့ မပျက်မကွက် (မပျက်မကွက်) ပေးပို့ရန် ဆက်လက်အကြောင်းကြားပါသည်။

ညွှန်ကြားရေးမှုး ၊ အမျိုးသားဆိုက်ဘာလုံခြုံရေးဗဟိုဌာန ၊ သတင်းအချက်အလက်နည်းပညာနှင့် ဆိုက်ဘာလုံခြုံရေးဦးစီးဌာန ဖုန်း - ၀၆၇ - ၃၄၂၂၆၃၃ ဖက်စ် - ၀၆၇ - ၃၄၂၂၆၂၂ အီးမေးလ် - cslaw@ncsc.gov.mm

ဆိုက်ဘာလုံခြုံရေးဥပဒေ (မူကြမ်း) တွင် အခန်း (၁၇) ဖြင့် ပါဝင်ဖွဲ့စည်းထားပါသည်။ ဆိုက်ဘာလုံခြုံရေး ဥပဒေ (မူကြမ်း) ၏ ရည်ရွယ်ချက်များကို အခန်း (၃) တွင်ဖော်ပြထား၍ ပြစ်မှုနှင့် ပြစ်ဒဏ်များကို အခန်း (၁၅) တွင်ဖော်ပြထားပါသည်။

• အင်္ဂလိပ်ဘာသာစကား