ဤ အီလက်ထရောနစ်ဆက်သွယ်ဆောင်ရွက်ရေးဥပဒေ၏ရည်ရွယ်ချက်မှာအောက်ပါအတိုင်းဖြစ်သည်။- (က) ခေတ်မှီတိုးတက်သော နိုင်ငံတော်တည်ဆောက်ရာတွင် အီလက်ထရောနစ် ဆက်သွယ်ဆောင်ရွက်ရေး နည်းပညာဖြင့် အထောက်အကူပြုနိုင်ရန်။ (ခ) အီလက်ထရောနစ်ဆက်သွယ်ဆောင်ရွက်ရေးနည်းပညာဖြင့် လူသားအရင်းအမြစ်ဖွံ့ဖြိုးတိုးတက်ရေး၊ စီးပွားရေးဖွံ့ဖြိုးတိုးတက်ရေး၊လူမှုရေးနှင့်ပညာရေးကဏ္ဍအပါအဝင် ကဏ္ဍပေါင်းစုံဖွံ့ဖြိုးတိုးတက်ရေး တို့အတွက် အခွင့်အလမ်းများပိုမိုရရှိလာစေရန်။ (ဂ) ကွန်ပြူတာကွန်ယက်ကိုအသုံးပြု၍ ပြည်တွင်းပြည်ပဆက်သွယ်ဆောင်ရွက်သည့်ကိစ္စများတွင် အီလက်ထရောနစ်မှတ်တမ်းနှင့် အီလက်ထရောနစ် အချက်အလက်သတင်းလွှာများ၏ စစ်မှန်မှုနှင့်ယုံကြည်စိတ်ချရမှုကို အသိအမှတ်ပြုပြီး ဥပဒေအရအကာအကွယ်ပေးနိုင်ရန်။ (ဃ) အီလက်ထရောနစ် ဆက်သွယ်ဆောင်ရွက်ရေး နည်းပညာကိုအသုံးပြု၍ ပြည်တွင်းပြည်ပ သတင်းအချက်အလက် များကို အချိန်နှင့်တပြေးညီ ထုတ်လွှင့်ပေးပို့ခြင်း၊ လက်ခံဖမ်းယူခြင်းနှင့် သိုမှီးထိန်းသိမ်းခြင်းတို့ ပြုလုပ်နိုင်ရန်။ (င)ကွန်ပြူတာကွန်ယက်ကိုအသုံးပြု၍ အပြည်ပြည်ဆိုင်ရာအဖွဲ့အစည်းများ၊ဒေသဆိုင်ရာအဖွဲ့အစည်းများ၊ ပြည်ပနိုင်ငံများ၊ ပြည်တွင်းပြည်ပအစိုးရဌာန၊အဖွဲအစည်းများ၊ ပုဂ္ဂလိကအဖွဲ့အစည်းများနှင့်ပုဂ္ဂိုလ်များ ထိရောက်လျှင်မြန်စွာ ဆက်သွယ်ပူးပေါင်းဆောင်ရွက်နိုင်ရန်။