နိုင်ငံပိုင်စီးပွားရေးလုပ်ငန်းများဆိုင်ရာဥပဒေ (၁၉၈၉ခုနှစ်တွင်ပြဌာန်းခဲ့သည်။)တွင် မြန်မာနိုင်ငံအစိုးရသည် အချို့သော ကဏ္ဍများ၌ စီးပွားရေးလုပ်ကိုင်ရန်သီးသန့်အခွင့်အရေးများကိုဆက်လက်ထားရှိကြောင်းဖော်ပြထားသည်။ ဥပဒေတွင် ပြည်တွင်း၊ပြည်ပ ရင်းနှီးမြှုပ်နှံသူများအား စီးပွားရေးလုပ်ငန်းများဆောင်ရွက်ရန် အစိုးရနှင့် စာချုပ်များချုပ်ဆိုခြင်းသို့မဟုတ် အကျိုးတူစာချုပ်များချုပ်ဆိုခြင်းတို့ကိုခွင့်ပြုထားသည်။ ဥပဒေအရ အစိုးရအနေဖြင့် ကုန်ထုတ်လုပ်ခြင်း၊သယ်ယူပို့ဆောင်ခြင်း၊သိုလှောင်ခြင်းနှင့်ကုန်ပစ္စည်းများရောင်းချခြင်းတို့အပါအဝင်ဤကဏ္ဍများရှိ လုပ်ငန်းလည်ပတ်မှုအားလုံးအပေါ်အပြီးသတ်အခွင့်အာဏာများရှိသည်။ သို့သော် အချို့ကိစ္စရပ်များ၌ အစိုးရသည် ပုဂ္ဂိလကကုမ္ပဏီများအား ပုဂ္ဂလိက စွမ်းအင်၊ လေကြောင်းလိုင်းများနှင့် ဆက်သွယ်ရေးကုမ္ပဏီများ အပါအဝင် အဆိုပါကဏ္ဍတို့အားကိုယ်ပိုင်အုပ်ချုပ် လည်ပတ်ဆောင်ရွက်နိုင်ရန် ခွင့်ပြုပေးထားသည်။ အဆိုပါစီးပွားရေးလုပ်ငန်းများအတွက် ခွင့်ပြုမိန့်များ၊ စည်းမျဉ်းစည်းကမ်းများနှင့် လုပ်ထုံးလုပ်နည်းများသည် အဆိုပါကဏ္ဍကို ကြီးကြပ်သောအစိုးရဝန်ကြီးဌာန၏လုပ်ပိုင်ခွင့်အောက်တွင်ရှိသည်။

• အင်္ဂလိပ်ဘာသာစကား
• ဗမာဘာသာစကား