မြန်မာနိုင်ငံသည် ဆိုင်ကလုန်းမုန်တိုင်း၊ မုန်တိုင်းကြောင့်ဒီရေတက်ခြင်း၊ ရေကြီးခြင်း၊ မြေပြိုခြင်း၊ ငလျှင်လှုပ်ခြင်း၊ ဆူနာမီ၊ မိုးခေါင်ခြင်း၊ မီးလောင်ခြင်း၊ တောမီးလောင်ခြင်း တို့ပါဝင်သည့် သဘာဝဘေးအန္တရယ်များစွာတို့ ကိုခံစားခဲ့ရသည်။ ၎င်း၏ ကမ်းရိုးတမ်း ဒေသများသည် ဆိုင်ကလုန်းမုန်တိုင်းများ၊ မုန်းတိုင်းဒီရေလှိုင်းများနှင့် ဆူနာမီ ဒဏ်များခံစားကြရပြီး နှင့်တိုင်းပြည်၏ အထင်ကရ နေရာဒေသ များတွင်မူ ငလျှင်နှင့်မီးဘေးအန္တရာယ်များရင်ဆိုင်နေရသည်။ ပြည်ထောင်စ သမ္မတ မြန်မာနိုင်ငံတော်သည် ငြိမ်းချမ်း၍ ခေတ်မီဖွံ့ဖြိုးတိုးတက်သော နိုင်ငံတော်တစ်ခု တည်ထောင်ရန်ကြိုးပမ်းနေစဉ်တွင် သဘာဝဘေးအန္တရာယ်များသည် ဖွံ့ဖြိုးမှုအကျု်းအမြတ်များကို ဖျက်ဆီး၍ ဖွံ့ဖြိုးရေးဆောင်ရွက်ချက်များကိုဟန့်တားနေသည်။ ကြိုတင်ပြင်ဆင်မှုနှင့် လျော့ပါးသက်သာ စေရေးသည် ဖွံဖြိုးရေးအစီအစဉ်များနှင့် စီမံချက်များ၏ တစ်စိတ်တပိုင်းဖြစ်သင့်သည်။ သဘာဝဘေးအန္တရာယ်ကျရောက်ခဲ့ပါက ကယ်ဆယ်ရေး၊ ပြန်လည်ထူထောင်ရေးနှင့် ပြန်လည် တည်ဆောက်ရေး လုပ်ငန်းများအတွက်ကြိုတင်စီစဉ် ထားရန်အရေးကြီးသည်။ ပြည်ထောင်စုသမ္မတ မြန်မာနိုင်ငံသည် သဘာဝဘေးအန္တရာယ်လျော့ပါးရေးကို အလေးထားဆောင်ရွက်ပြီး သဘာဝ ဘေးအန္တရာယ်စီမံခန့်ခွဲမှုအတွက် နိုင်ငံတော်၊ ပြည်နယ်နှင့်တိုင်းဒေသကြီး၊ခရိုင်၊ မြို့နယ်၊ရပ်ကွက်နှင့် ကျေးရွာအုပ်စုအဆင့်များတွင် စနစ်များနှင့် လုပ်ထုံး လုပ်နည်းများရှိကြသည်။

• အင်္ဂလိပ်ဘာသာစကား