၂၀၁၆ခုနှစ် ဇန်နဝါရီလတွင် အစိုးရသည်ဓလေ့ထုံးတမ်းဆိုင်ရာမြေယာစီမံခန့်ခွဲမှု အလေ့အကျင့်များ အသိအမှတ်ပြုခြင်း အပါအဝင်အမျိုးသားမြေယာအသုံးချမှုမူဝါဒကိုကျင့်သုံးခဲ့သည်။ ၎င်းသည်မြန်မာနိုင်ငံ၏ဓလေ့ ထုံးတမ်းအရ မြေယာစီမံခန့်ခွဲမှုစနစ်များကို နိုင်ငံတော်အဆင့်စနစ်နှင့်ပေါင်းစပ်ရန်လိုအပ်သည့်ပထမဆုံး ခြေလှမ်း ဖြစ်သော်လည်း ဖွဲ့စည်းပုံအခြေခံဥပဒေဆိုင်ရာပြုပြင်ပြောင်းလဲမှုနှင့် မြေယာစီမံခန့်ခွဲမှုဆိုင်ရာ အာဏာများကို ထိုကဲ့သို့ပေါင်းစည်းမှုမပြုလုပ်မီ အရေးပေါ်လိုအပ်ချက်တို့ရှိနေသည်။ ဤအစီရင်ခံစာသည် တိုင်းရင်းသားလူမျိုးစုခုနှစ်ခုရှိ ဓလေ့ထုံးတမ်းဆိုင်ရာမြေယာစီမံခန့်ခွဲမှုစနစ်များကို မည်သို့ပုံဖော်ထားကြောင်း နှင့်ဤစနစ်များအား မည်သု့်ပံ့ပိုးကူညီနိုင်မည်နှင့် အနာဂတ်အုပ်ချုပ်ရေး ဖက်ဒရယ် ပြည်ထောင်စု မြေယာစီမံ ခန့်ခွဲမှုစနစ်တွင်မည်သို့ပေါင်းစည်းနိုင်မည်ကိုအကြံ ဉာဏ်များပေးထားပါသည်။ ဓလေ့ထုံးတမ်းဆိုင်ရာ မြေယာစီမံခန့်ခွဲမှုစနစ်များသည် ရာစုနှစ်များစွာကတည်းက မြန်မာနိုင်ငံ၏ အမျိုးသား မြေယာစီမံခန့်ခွဲမှုစနစ် နှင့်အတူတကွတည်ရှိခဲ့သည်။