၂၀၁၂ခုနှစ်တွင် လယ်ယာမြေဥပဒေသည် လယ်ယာအသုံးပြုခွင့်လက်မှတ်များဖြင့် မြေယာမှတ်ပုံတွင်ခြင်းလုပ်ငန်းစဉ် တစ်ခုကိုစတင်ခဲ့သည်။ ဓလေ့ထုံးတမ်းအရမြေယာအုပ်ချုပ်မှု ပုံစံမှ ဥပဒေနှင့်အုပ်ချုပ်ရေးမူဘောင်များမှတစ်ဆင့် အုပ်ချုပ်သောစနစ်သို့ပြောင်းလဲခြင်းသည် အလွန်နက်ရှိုင်းပြီး အမျိုးသမီးထုအတွက်များစွာ ဂယက်ရိုက်ခတ်မှုများရှိသည်။ အဆိုပါ ဂယက်ရိုက်ခတ်မှုများအားပိုမိုနားလည်စေရန် တနင်္သာရီတိုင်းဒေသကြီးအတွင်းမြို့နယ်(၃)ခု၌ Trócaire and Land Core Group မှ ကွင်းဆင်းလေ့လာမှုတစ်ခုကိုပြုလုပ်ခဲ့သည်။ မိဘများထံမှ အမွေကိုဆက်ခံသည့် အမျိုးသမီးများ၏မြေယာပိုင်ဆိုင်လုပ်ကိုင်ခွင့်လုံခြုံမှုနှင့် ကွာရှင်းထားသည့်အမျိုးသမီးများအတွက် မြေယာပိုင်ဆိုင်ခွင့်လုပ်ထုံးလုပ်နည်းများနှင့် ဓလေ့ထုံးတမ်းများကိုလေ့လာခဲ့သည်။ သုတေသနသည် တိုင်းရင်းသားအသိုင်းအဝိုင်းနှစ်ခုအတွက်သာကန့်သတ်ထားသော်လည်း မြေယာပိုင်ဆိုင်မှုနှင့်ပတ်သက်သောအမျိုးသမီးများ၏အတွေ့အကြုံများကို ထပ်မံစုံစမ်းစစ်ဆေးရန်လိုအပ်ကြောင်းပြသခဲ့၍ ဤမူဝါဒအကျဉ်းချုပ်တွင်ဖော်ပြထားသည့်အတိုင်းပြုပြင်ပြောင်းလဲရေးအတွက် အဓိကကျသောနေရာများစွာကို ညွှန်ပြထားခြင်းဖြစ်သည်။