កិច្ចសន្យារវាងក្រសួងកសិកម្ម រុក្ខាប្រមាញ់ និងនេសាទ និងក្រុមហ៊ុន Green Sea Industry Co., Ltd ស្តីពីការវិនិយោគទុនលើការដាំដើមម៉ៃសាក់ និងកែច្នៃ

• កម្ពុជា

• Concessions
• Economic land concessions and plantations
• Land
• Public land lease

• Green Sea Agriculture Co. Ltd. (previously Green Sea Industry Co. Ltd.)

• រដ្ឋមន្ត្រីក្រសួងកសិកម្ម រុក្ខប្រមាញ់ និងនេសាទ

ការចូលមកកាន់គេហទំព័រនេះ ឬប្រើប្រាស់មូលដ្ឋានទិន្នន័យនៅលើគេហទំព័រនេះ បានន័យថា អ្នកទទួលស្គាល់ថាអ្នកមានទំនួលខុសត្រូវទាំងស្រុង លើការពឹងផ្អែក លើគ្រប់ព័ត៌មានផ្តល់ឱ្យនៅលើគេហទំព័រនេះ ហើយយល់ព្រមថាអ្នកនឹងមិនបង្ករ អន្តរាយ ឬ ទាមទារឱ្យមានការទទួលខុសត្រូវពីបុគ្គល ឬអង្គភាពពាក់ព័ន្ធនឹងការ អភិវឌ្ឍទម្រង់ និងខ្លឹមសាររបស់គេហទំព័រនេះ សម្រាប់រាល់ការបាត់បង់ ការខូច ប្រយោជន៍ ឬ អន្តរាយដែលកើតចេញពីការប្រើប្រាស់គេហទំព័រនេះ។

• ភាសាអង់គ្លេស
• ភាសាខ្មែរ

• ស្ទឹងត្រែង

ទិន្នន័យមេត្រូវបានធ្វើបច្ចុប្បន្នភាពចុងក្រោយនៅថ្ងៃទី ១៧ ខែ មីនា ឆ្នាំ ២០១៧។ សម្រាប់ចម្ងល់នានា សូមទំនាក់ទំនងមកកាន់ អង្គការទិន្នន័យអំពីការអភិវឌ្ឍ។ អាសយដ្ឋាន៖ ផ្ទះលេខ ៤៣, ផ្លូវលេខ ២០៨, រាជធានីភ្នំពេញ, ប្រទេសកម្ពុជា។ អ៊ីម៉ែល៖ contact@opendevcam.net គេហទំព័រ៖ http://www.opendevcam.net

ក្រុមហ៊ុន Green Sea Industry Co., Ltd

អាសយដ្ឋាន៖ ផ្ទះលេខ ១៥២ស, មហាវិថី ព្រះនរោត្តម, សង្កាត់ទន្លេបាសាក់, ខ័ណ្ឌចំការមន, រាជធានីភ្នំពេញ។ ទូរស័ព្ទលេខ ០១២ ៨១០ ០៩៩, ទូរសារ៖ (៨៥៥)២៣ ២១៧ ៩២៩។

ក្រសួងកសិកម្ម រុក្ខាប្រមាញ់ និងនេសាទ៖

• ជួយអន្តរាគមន៍ទៅស្ថាប័នដែលពាក់ព័ន្ធ ដើម្បីដោះស្រាយឧប្បត្តិហេតុណាមួយដែលមានអ្នកប្រព្រឹត្តបទល្មើស លើសិទ្ធិរបស់ក្រុមហ៊ុន ក្នុងក្របខ័ណ្ឌនៃការអនុវត្តនូវកិច្ចសន្យា និងការប្រើប្រាស់ទីតាំង ឬរឹបអូសយកផ្នែកណាមួយនៃទីតាំង។
• ជួយអន្តរាគមន៍ និងធ្វើការសម្របសម្រួលជាមួយបណ្តារក្រសួង-មន្ទីរគ្រប់ អង្គភាពស្ថាប័នរដ្ឋដែលពាក់ព័ន្ធដើម្បីបំពេញទំរង់បែបបទសម្រាប់ការនាំចូលដើម្បីទទួលបាននូវ ការរួចពន្ធ ១០០% និងបន្ថយពន្ធដទៃទៀតក្នុងករណីលើកទឹកចិត្តដល់ការវិនិយោគ ដែលមានចែងក្នុងច្បាប់វិនិយោគរបស់ព្រះរាជាណាចក្រកម្ពុជានាពេលបច្ចុប្បន្ន និងពេលអនាគត។
• ពិនិត្យតាមដានលើ៖ ការអនុវត្តកិច្ចសន្យារបស់ក្រុមហ៊ុន, ផលប៉ះពាល់លើបរិស្ថាន, ការងារបច្ចេកទេស និងកម្មវិធីផលិតកម្ម-អាជីវកម្មរបស់ក្រុមហ៊ុន។

ក្រុមហ៊ុន៖

• យល់ព្រមបង់ប្រាក់កក់ និងថ្លៃឈ្នួលដី-ពន្ធដី ត្រឹមត្រូវតាមកិច្ចសន្យារហូតដល់ចប់អាណត្តិកិច្ចសន្យ។
• យល់ព្រមទទួលបន្ទុកចំណាយលើការអង្កេតសិក្សាវាស់វែងកំណត់ទីតាំង
• ត្រូវធ្វើផែនការគ្រប់គ្រង និងអភិវឌ្ឍន៍ទីតាំងជូនក្រសួងអោយបានយ៉ាងយឺត ១២ ខែ ក្រោយពីថ្ងៃចុះកិច្ចសន្យា។
• ផែនការគ្រប់គ្រងនេះត្រូវមានផែនការមេនៃការប្រើប្រាស់ទីតាំង សំណង់ ហេដ្ឋារចនាសម្ព័ន្ធ ឡូតិ៍នៃផ្ទៃដីដាំដុះ រួមទាំងផែនការអភិវឌ្ឍន៍យុទ្ធសាស្ត្រ កម្មវិធីការប្រើប្រាស់បច្ចេកទេសផ្សេងៗក្នុងកិច្ចដំណើរការអភិវឌ្ឍន៍រយៈពេលវែង។
• ត្រូវទទួលការឆ្លើយតបពីក្រសួងលើឯកសារផែនការគ្រប់គ្រងមិនហួសពីរយៈពេល ៦០ ថ្ងៃនៃថ្ងៃធ្វើការ ដោយគិតចាប់ពីថ្ងៃទទួលពាក្យសុំ។
• មានសិទ្ធិប្រើប្រាស់ និងកែច្នៃរាល់សំណល់ឈើ ដែលបានមកពីការឈូសឆាយដីសម្បទាន ដោយគោរពតាមច្បាប់គ្រប់គ្រងព្រៃឈើ។
• រៀបចំធ្វើផលិតកម្ម-អាជីវកម្មផែនការ ដូចមានចែងក្នុងរបាយការណ៍បច្ចេកទេសសេដ្ឋកិច្ចរបស់ខ្លួន និងដូចក្នុងកិច្ចសន្យា។
• មានសិទ្ធិលក់ដូរប្រមូលទិញ បែងចែកចរាចរផលិតផលគ្រប់ប្រភេទទាំងនៅក្នុង និងក្រៅប្រទេស តាមគោលការណ៍ និងច្បាប់រដ្ឋជាធរមានក្នុងគោលដៅបម្រើឱ្យការវិនិយោគខាងលើ
• ចំពោះការនាំចូលទុព្វសំភារៈគ្រឿងចក្រ គ្រឿងបន្លាស់ វត្ថុធាតុគីមី ពូជរុក្ខជាតិ ដែលបម្រើឱ្យការធ្វើផលិតកម្ម-អាជីវកម្មពាក់ព័ន្ធ និងការបង់ពន្ធអាករផ្សេងៗ គឺអាស្រ័យដោយច្បាប់របស់ព្រះរាជាណាចក្រកម្ពុជាជាកំណត់។
• អនុញ្ញាតឱ្យក្រសួង និងស្ថាប័នពាក់ព័ន្ធតាមដានត្រួតពិនិត្យ វាយតម្លៃសកម្មភាពរបស់ខ្លួនអំពីផលប៉ះពាល់បរិស្ថាន។

ក្រុមហ៊ុនមានសិទ្ធិជ្រើសរើសពលកម្មក្នុងស្រុក ឬជួលអ្នកឯកទេសបរទេស ដើម្បីជួយណែនាំ ឬបង្ហាត់បង្ហាញ អំពីការងារបច្ចេកទេសអាជិវកម្មផលិតកម្មតាមសេចក្តីត្រូវការចាំបាច់របស់ខ្លួន ក្នុងករណីគ្មានអ្នកឯកទេសនៅក្នុងប្រទេសដោយគោរពតាមច្បាប់នៃព្រះរាជាណាចក្រកម្ពុជា។

• អនុវត្តការងារអាជីវកម្មតាមគម្រោងផែនការដូចជា៖ ការកាប់ឆ្ការព្រៃ ការធ្វើផ្លូវ និងការប្រើប្រាស់ដី ដោយត្រូវគោរពតាមលក្ខខ័ណ្ឌនិរន្តរភាពធនធានធម្មជាតិរបស់ទីតាំង និងផលប៉ះពាល់លើបរិស្ថានដែលបណ្តាលមកពីការធ្វើអាជីវកម្ម-ផលិតកម្ម។
• មុនពេលរានដីសម្រាប់ដាំដុះ ក្រុមហ៊ុនត្រូវសុំការយល់ព្រមពីរដ្ឋាភិបាល ក្នុងការកាប់រំលំ ឬកែច្នៃ និងដឹកជញ្ជូនឈើដែលមានលើដីនោះ និងត្រូវបង់ថ្លៃឈើណាដែលមានតំលៃសេដ្ឋកិច្ចជូនទៅរដ្ឋាភិបាល ដោយផ្អែកតាមគោលការណ៍ និងច្បាប់ស្តីពីគ្រប់គ្រងព្រៃឈើ។

• រាល់ការសាងសង់ហេដ្ឋារចនាសម្ព័ន្ធនានា រួមមាន ទំនប់ទឹក និងប្រឡាយដែលអាចនឹងប៉ះពាល់ តំបន់ជុំវិញ គួរតែត្រូវបានអនុញ្ញាតដោយក្រសួង និង/ឬស្ថាប័នពាក់ព័ន្ធនានា។
• យកចិត្តទុកដាក់ចំពោះជីវភាពរស់នៅក៏ដូចជា សុខភាព និងការអប់រំដល់បុគ្គលិករបស់ក្រុមហ៊ុន កម្មករ និងក្រុមគ្រួសាររបស់ពួកគេ តាមរយៈការកសាងលំនៅដ្ឋាន មន្ទីរពេទ្យ សាលារៀន និងមណ្ឌលកំសាន្តលំហែកាយសម្រាប់ពួកគេ ដោយផ្អែកទៅតាមលទ្ធភាពរបស់ក្រុមហ៊ុន។

• ក្រុមហ៊ុន មានសិទ្ធិបញ្ចប់កិច្ចសន្យានេះបាន ដោយមានការសរសេរជាលាយល័ក្ខអក្សរប្រកាសប្រាប់ទៅក្រសួង ដោយពុំមានកំហុសដូចជា៖ ប្រសិនបើច្បាប់មិនអនុញ្ញាតផ្តល់អាជ្ញាប័ណ្ណ ឬគ្មានការយល់ព្រមផ្តល់ ប្លង់កំណត់តំបន់ និងព្រំប្រទល់ដែលធ្វើដោយរាជរដ្ឋាភិបាលកម្ពុជា ឬស្ថាប័នរដ្ឋនៃភ្នាក់ងាររាជរដ្ឋាភិបាលសម្រាប់ការប្រើប្រាស់ទីតាំង ត្រូវដកចេញ លុបចោល បញ្ឈប់បណ្តោះអាសន្ន ឬក៏កែប្រែការ, និងករណីប្រសិនបើរដ្ឋាភិបាល ដលយកផ្នែកណាមួយ ឬទាំងស្រុងនៃដីសម្បទានដែលខាងក្រុមហ៊ុនបានធ្វើការអភិវឌ្ឍន៍រួចហើយ នោះក្រសួងត្រូវតំលៃចំនាយនៃការអភិវឌ្ឍនោះជាក់ស្តែង។
• ក្រុមហ៊ុនមានសិទ្ធិដកហូតចេញពីគម្រោងការងារទាំងមូល ឬផ្នែកណាមួយ ក្នុងលក្ខខ័ណ្ឌមិនអាចគ្រប់គ្រងបានបន្ទាប់ពីបានការឯកភាពពីក្រសួងកសិកម្ម រុក្ខាប្រមាញ់ និងនេសាទ
• ក្នុងករណីដែលក្រុមហ៊ុន ដកខ្លួនដោយខ្លួនឯងនោះ ក្រុមហ៊ុនត្រូវទទួលខុសត្រូវតាមច្បាប់វិនិយោគនៃព្រះរាជាណាចក្រកម្ពុជា
• ក្នុងករណីដែលក្រុមហ៊ុន មិនបានចាប់ផ្តើមអនុវត្តនូវសកម្មភាព ដូចមានចែងក្នុងកិច្ចសន្យា ក្នុងរយៈពេល ០២ ឆ្នាំ គិតចាប់ពីថ្ងៃចុះហត្ថលេខា រាជរដ្ឋាភិបាលមានសិទ្ធិបញ្ឈប់កិច្ចសន្យាដោយគ្មានលក្ខខ័ណ្ឌ និងគ្មានការសងនូវការខាតបង់ឡើយ

https://opendevelopmentcambodia.net/profiles/economic-land-concessions/?feature_id=elc_gdc_20