ផែនការសកម្មភាពនេះមានគោលបំណងចំនួន៥ គឺ៖ ១. កាត់បន្ថយការគំរាមកំហែងដោយសារសកម្មភាពមនុស្សដល់ការស្លាប់របស់សត្វអណ្តើកនិងពងរបស់វា ២. ការពារនិងស្តារឡើងវិញនៅជម្រក កន្លែងរកចំណីអាហារ និងកន្លែងពងកូនរបស់អណ្តើក ៣. ពង្រឹងការស្រាវជ្រាវ និងតាមដានចំនួនអណ្តើក ជម្រក ចំណីអាហារ និងការពងកូនរបស់អណ្តើក និងវិធីកាត់បន្ថយការនេសាទអណ្តើកបានដោយចៃដន្យ ៤. បង្កើនការយល់ដឹងជាសាធារណៈអំពីការគំរាមកំហែងចំពោះអណ្តើកសមុទ្រ និងទីជម្រករបស់វា និងពង្រីកការចូលរួមរបស់សាធារណជននៅក្នុងសកម្មភាពអភិរក្ស និង ៥. ពង្រឹងកិច្ចសហការថ្នាក់ជាតិ និងតាមតំបន់ជាប់ព្រំដែន និងការចែករំលែកព័ត៌មាននៅថ្នាក់តំបន់ និងអន្តរជាតិអំពីអណ្តើកសមុទ្រ។ ផែនការសកម្មភាពនេះក៏បានចែងអំពីសកម្មភាពអាទិភាពដែលចាំបាច់សម្រាប់សម្រេចគោលដៅទាំងនេះដើម្បីធានាការរស់រានយូរអង្វែងនៃអណ្តើកសមុទ្រនៅកម្ពុជា។

• ភាសាអង់គ្លេស