របាយការណ៍នេះ គឺជាលទ្ធផលនៃការសង្កេតការណ៍បោះឆ្នោតរបស់អង្គការតម្លាភាពកម្ពុជា លើការបោះឆ្នោតជាតិដែលប្រព្រឹត្តទៅកាលពីថ្ងៃទី ២៨ ខែកក្កដា ឆ្នាំ២០១៣។ អង្គការតម្លាភាពកម្ពុជា បានដាក់ពង្រាយអ្នកសង្កេតការណ៍ឯករាជ្យ ៩០៦នាក់ នៅការិយាល័យបោះឆ្នោត ចំនួន ៤០៩ កន្លែង ជាការិយាល័យតំណាងទូទាំង ២៤ រាជធានី ខេត្តក្នុងប្រទេសកម្ពុជា ដើម្បីធ្វើការសង្កេតការណ៍ជាគំរូក្នុងថ្ងៃបោះឆ្នោតជាតិ។ ការិយាល័យបោះឆ្នោតគំរូ ក្នុងការសិក្សារបស់អង្គការតម្លាភាពកម្ពុជា ត្រូវបានជ្រើសរើសដោយព្រាវក្នុងចំនួនតំណាងឲ្យការិយាល័យបោះឆ្នោតទាំងអស់នៅទូទាំងប្រទេស។ របាយការណ៍បានរកឃើញ និងបញ្ជាក់ពីការព្រមានលើភាពមិនប្រក្រតីនៃការបោះឆ្នោតជាពិសេសការបាត់ឬជាន់ឈ្មោះអ្នកបោះឆ្នោតលើបញ្ជីបោះឆ្នោត។ អ្នកបោះឆ្នោតដែលមានអត្តសញ្ញាណគ្រប់គ្រាន់ខ្លះ មិនអាចស្វែងរកឈ្មោះរបស់ពួកគេឃើញ នៅថ្ងៃបោះឆ្នោត ក្នុងចំណោមការិយាល័យសិក្សានេះប្រមាណជា ៦០ភាគរយ។

• ភាសាអង់គ្លេស