នៅក្នុងឆ្នាំ២០០០ ក្រុមហ៊ុន Altra Mirin Kiri Cambodia បានចុះហត្ថលេខលើកិច្ចសន្យាស្រាវជ្រាវរុករកត្បូងមានតំលៃ នៅក្នុងតំបន់សែនចៅ ស្រុកសំទ្បូត ខេត្តបាត់ដំបង ។ តំបន់រុករកមានក្រទ្បាផៃ្ទ ៤គម២ ។ តាមលទ្ធផលនៃការរុករកដំបូងបានបង្ហាញថា តំបន់នេះមិនមានសក្តានុពលនៃការរករុកត្បូងមានតំលៃទេ ដូច្នេះក្រុមហ៊ុនបានស្នើសុំសម្តេចនាយករដ្ឋមន្រ្តីផ្លាស់ប្តូរទីតាំងថ្មីទៅតំបន់ដែលមានផ្ទៃក្រលាដីទំហំដូចមុន នៅក្នុងតំបន់ស្រុកសំទ្បូត ខេត្តបាត់ដំបង ។ ផែនទីកូអ័រដនេតំបន់ទីតាំងថ្មី មានចែងនៅក្នុងលិខិត ។ ក្រុមហ៊ុនយល់ព្រមលុបអណ្តូងរ៉ែ និងសំអាតបរិស្ថាននៅក្នុងតំបន់រុករករ៉ែទីតាំងបច្ចុប្បន្ន ។ មុនពេលចាប់ផ្តើមរុករករ៉ែនៅតំបន់ថ្មី ក្រុមហ៊ុនត្រូវរៀបចំផែនការ និងចុះហត្ថលេខាលើកិច្ចសន្យាជាមួយក្រសួងបរិស្ថាន ស្តីពីការការពារបរិស្ថាន ។

• ភាសាខ្មែរ