ការកែសម្រួលផ្ទៃដី ទំហំ ៦០៩ ហិកតា ស្ថិតក្នុងតំបន់ការពារធម្មជាតិ ទៅជាតំបន់ប្រើប្រាស់ដោយចីរភាព ដោយធ្វើអនុបយោគផ្ទៃដីទំហំ ៦០៩ ហិកតា ក្នុងតំបន់ឧទ្យានជាតិព្រះសុរាម្រិត កុសុមៈ “គិរីរម្យ” ខេត្តកំពង់ស្ពឺ មកជាផ្ទៃដីទំហំ ២០ ហិកតា សម្រាប់ផ្ដល់ជូនក្រុមហ៊ុន គិរីរម្យ អេកូទូរីសឹម អ៊ីនវេសមេនធ្វើការវិនិយោគអភិវឌ្ឍន៍វិស័យទេសចរណ៍ធម្មជាតិ ហើយផ្ទៃដីដែលនៅសល់ទំហំ ៥៨៩ ហិកតា ត្រូវដាក់បញ្ចូលក្នុងឧទ្យានជាតិគិរីរម្យ ស្ថិតក្រោមការគ្រប់គ្រងរបស់ក្រសួងបរិសា្ថន និងការកែសម្រួលផ្ទៃដីទំហំ ៩,៧៨០ ហិកតា ស្ថិតក្នុងតំបន់ការពារធម្មជាតិ ទៅជាតំបន់ប្រើប្រាស់ដោយចីរភាព ដោយធ្វើអនុបយោគផ្ទៃដីទំហំ ៩,៧៨០ ហិកតា ស្ថិតក្នុងតំបន់ដែនជម្រកសត្វព្រៃស្នួល ឃុំពីរធ្នូ ស្រុកស្នួល ខេត្តក្រចេះ មកជាដីទំហំ ២១៥ ហិកតា សម្រាប់ផ្ដល់ជូនក្រុមហ៊ុនធីធីវ៉ាយ អភិវឌ្ឍន៍ដំណាំកសិកម្ម ធ្វើការអភិវឌ្ឍន៍ ផ្ទៃដីដែលនៅសល់ទំហំ ៩៥៦៥ ហិកតា ត្រូវដាក់បញ្ចូលក្នុងដែនជម្រកសត្វព្រៃស្នួល ស្ថិតក្រោមការគ្រប់គ្រងរបស់ក្រសួងបរិស្ថាន។

• ភាសាខ្មែរ