ផែនការយុទ្ធសាស្ត្រអភិវឌ្ឍន៍លើវិស័យធនធានទឹក និងឧតុនិយម ២០២៤-២០២៨

ផែនការយុទ្ធសាស្ត្រអភិវឌ្ឍន៍លើវិស័យធនធានទឹក និងឧតុនិយម ២០២៤-២០២៨ នេះត្រូវបានរៀបចំឡើងតាមទម្រង់យុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា និងមានការចូលរួមពិគ្រោះយោបល់ពីនាយកដ្ឋានជំនាញចំណុះក្រសួង ថ្នាក់ដឹកនាំក្រសួង និងដៃគូអភិវឌ្ឍន៍នានា។ ផែនការយុទ្ធសាស្ត្រនេះមានបួនជំពូក និងបានកំណត់សកម្មភាពជាអាទិភាព សូចនាករពេលវេលាច្បាស់លាស់សម្រាប់អនុវត្តន៍ និងយន្តការសម្រាប់ត្រួតពិនិត្យ និងវាយតម្លៃដោយផ្អែកលើក្របខណ្ឌលទ្ធផល ហើយបានកំណត់អំពីការទទួលខុសត្រូវរបស់នាយកដ្ឋានជំនាញនីមួយៗ ដើម្បីទទួលបានជោគជ័យក្នុងការអភិវឌ្ឍ និងការគ្រប់គ្រងធនធានទឹក ប្រកបដោយប្រសិទ្ធិភាព មាននិរន្តរភាព ដើម្បីពង្រឹងសន្តិសុខទឹក ទ្រទ្រង់ប្រព័ន្ធអេកូឡូស៊ី និងកាត់បន្ថយនូវការខូតខាត ដែលបណ្តាលមកពីគ្រោះធម្មជាតិ​ ដូចជា ការប្រែប្រួលអាកាសធាតុ គ្រោះទឹកជំនន់ និងគ្រោះរាំងស្ងួត ដើម្បីអភិវឌ្ឍន៍សេដ្ឋកិច្ចសង្គម ប្រកបដោយភាពធន់។