អនុក្រឹត្យ លេខ២៥៥ ស្ដីពីការកាត់ដីនិងការធ្វើអនុបយោគលើដីទំហំ ៤,៣៣៤.៦១ ហិកតា ដែលកាត់ចេញពីដីសម្បទានសេដ្ឋកិច្ច និងកាត់ចេញពីដីគម្របព្រៃឈើ ស្ថិតនៅក្នុងភូមិសាស្រ្ត ខេត្តព្រះវិហារ

ការកាត់ដីទំហំ ៤,៣៣៤.៦១ ហិកតា ដែលស្ថិតនៅក្នុងភូមិសាស្រ្ត ភូមិតស៊ូ ភូមិសំរោង ឃុំតស៊ូ ស្រុកជ័យសែន និងភូមិប្រើសក្អក ឃុំម្លូរព្រៃ ស្រុកឆែប ខេត្តព្រះវិហារ ដែលក្នុងនោះមាន៖ ទំហំ ៦៨.៥៣ ហិកតា កាត់ចេញពីគម្របព្រៃឈើឆ្នាំ២០០២ ទំហំ១,៦៨០.៤៧ ហិកតា កាត់ចេញពីដីសម្បទានសេដ្ឋកិច្ចរបស់ក្រុមហ៊ុន ហេង រួយ (ខេមបូឌា) អ៊ិនធើណេសសិនណល ខមភេនី លីមីតធីត ទំហំ ១,៦៩១.០៥ ហិកតា កាត់ចេញពីដីសម្បទានសេដ្ឋកិច្ចរបស់ក្រុមហ៊ុន ហេង ណុង (ខេមបូឌា) អ៊ិនធើណេសសិនណល ខមភេនី លីមីតធីត ទំហំ ៦៧.៣១ ហិកតា កាត់ចេញពីដីសម្បទានសេដ្ឋកិច្ចរបស់ក្រុមហ៊ុន ឡានហ្វេង (ខេមបូឌា) អ៊ិនធើណេសសិនណល ខមភេនី លីមីតធីត ទំហំ ៨២៧.២៥ ហិកតា កាត់ចេញពីដីសម្បទានសេដ្ឋកិច្ចរបស់ក្រុមហ៊ុន រួយ ហ្វេង (ខេមបូឌា) អ៊ិនធើណេសសិនណល ខមភេនី លីមីតធីត សម្រាប់ប្រទានកម្មទំហំ ៣,៩៤០.១៣ ហិកតា ជាកម្មសិទ្ធិជូនពលរដ្ឋចំនួន ៧៥៨ គ្រួសារ និងសម្រាប់រក្សាទុក ដីទំហំ ៣៩៧.៤៨ ហិកតា សម្រាប់កំណើនប្រជាជន និងអភិវឌ្ឍន៍ហេដ្ឋារចនាសម្ព័ន្ធរូបវ័ន្ត និងផ្ដល់ជាកម្មសិទ្ធិលើដីឯកជនជូនពលរដ្ឋ ចំនួន៩៧៣ ក្បាលដី និងផ្ដល់សិទ្ធិជាកម្មសិទ្ធិឯកជនជូនគណបក្សប្រជាជន ចំនួន១ក្បាលដី និងផ្ដល់សិទ្ធិជាដីសាធារណៈរបស់រដ្ឋចំនួន១ក្បាលដី។