អាជ្ញាប័ណ្ណលេខ៥៣២ ស្តីពីការផ្តល់សិទ្ធិដល់ក្រុមហ៊ុន Titan Mineral Group Co. Ltd ធ្វើការសិក្សាស្រាវជ្រាវ រុករករ៉ែ នៅក្នុងតំបន់អន្លង់ភា ស្រុកឆែប និងស្រុកជ័យសែន ខេត្តព្រះវិហារ និងស្រុកថាទ្បាបរិវាត ខេត្តស្ទឹងត្រែង ។

ក្រសួងឧស្សាហកម្ម រ៉ែ និងថាមពល បានសំរេចអនុញ្ញត្តិផ្តល់អាជ្ញាប័ណ្ណស្រាវជ្រាវរុករករ៉ែលោហធាតុ ដល់ក្រុមហ៊ុន Titan Mineral Group Co. Ltd. ឲ្យធ្វើការរុករករ៉ែលោហធាតុ តាមតំបន់អន្លង់ភា ស្រុកជប់ ស្រុកជ័យសែន ខេត្តព្រះវិហារ និងស្រុកថាទ្បាបរិវាត ខេត្តស្ទឹងត្រែង ។ អាជ្ញាប័ណ្ណមានអាជ្ញាយុកាលរយះពេល២ឆ្នាំ និងមានប្រសិទ្ធិភាពចាប់ពីថ្ងៃចុះហត្ថលេខា ។ អាជ្ញាប័ណ្ណអាចបន្តបាន ដែលតំរូវឲ្យក្រុមហ៊ុនដាក់ពាក្យស្នើសុំឲ្យបានរយះពេល៣០ថ្ងៃមុនពេលផុតកំណត់ ។ ក្រុមហ៊ុនត្រូវអនុវត្តតាមផែនការប្រចាំឆ្នាំ និងធានាស្តង់ដារបច្ចេកទេស ។ បើមិនដូ្ចច្នេះទេ អាជ្ញាប័ណ្ណនឹងត្រូវបានដកហូត ឬក្រុមហ៊ុននឹងត្រូវបានផាកវិន័យ ក្នុងករណីដែលក្រុមហ៊ុនមិនបានអនុវត្តតាមលក្ខណ្ឌ ដែលមានចែងនៅក្នុងកិច្ចព្រមព្រៀង ។ តំបន់ដែលផ្តល់អាជ្ញាប័ណ្ណមានទំហំក្រទ្បាផ្ទៃ ២០៤ គម២ ហើយផែនទីកូអ័រដនណេមានចែងនៅក្នុងប្រការ១ ។