ស្ថានភាពប្រព័ន្ធលូបង្ហូរទឹកបច្ចុប្បន្ននៅកម្ពុជា ២០២៤៖ កម្មវិធីអភិវឌ្ឍសមត្ថភាពសម្រាប់គម្រោងផ្គត់ផ្គង់ទឹក និងអនាម័យកម្រិតខេត្ត

រាជរដ្ឋាភិបាលកម្ពុជា តាមរយៈក្រសួងសាធារណការ និងដឹកជញ្ជូន បានដាក់ចេញនូវកិច្ចខិតខំប្រឹងប្រែងរួមគ្នាដើម្បីកែលម្អការគ្រប់គ្រង និងសេវាទឹកកខ្វក់នៅក្នុងតំបន់ទីប្រជុំជននៃប្រទេស។ របាយការណ៍នេះមានគោលបំណងបង្ហាញទិដ្ឋភាពរួមនៃស្ថានភាពបច្ចុប្បន្ននៃវិស័យគ្រប់គ្រងទឹកកខ្វក់ក្នុងទីក្រុងនៅកម្ពុជា និងគូសបង្ហាញពីទម្រង់នៃក្របខ័ណ្ឌគោលនយោបាយ បទប្បញ្ញត្តិ និងស្ថាប័នដែលកំពុងផុសឡើងសម្រាប់ការគ្រប់គ្រងវិស័យនេះ។ របាយការណ៍នេះពិភាក្សាអំពីទាំងប្រព័ន្ធគ្រប់គ្រងទឹកកខ្វក់នៅនឹងកន្លែង (Onsite) និងក្រៅទីតាំង (Offsite) នៅក្នុងប្រទេសកម្ពុជា។ របាយការណ៍នេះត្រូវបានរៀបចំឡើងដោយផ្អែកលើការពិនិត្យឡើងវិញនូវការសិក្សាបន្ទាប់បន្សំ (secondary studies) កិច្ចពិភាក្សា និងសម្ភាសន៍ជាមួយដៃគូអភិវឌ្ឍន៍ មន្ត្រីនៃក្រសួងសាធារណការ និងដឹកជញ្ជូន ការចុះពិនិត្យទីតាំង និងការពិភាក្សាជាមួយអាជ្ញាធរមូលដ្ឋាន។