និន្នាការ​នៃ​ការ​សហការ​អភិវឌ្ឍន៍​នៅ​កម្ពុជា​៖​ ការ​ប្រើប្រាស់​ភស្តុ​តាង​ដើម្បី​ជម្រុញ​ប្រសិទ្ធិ​ភាព​នៃ​ការ​អភិវឌ្ឍ​ និង​ភាព​ជា​ដៃគូ​រ

ភាព​ជឿនលឿន​នៃ​ការ​អភិវឌ្ឍ​សេដ្ឋកិច្ច​សង្គម​ជាង​១​ទស្សវត្សរ៍​កន្លង​ទៅ​នេះ​បាន​បង្ហាញ​ពី​ ភាព​ជោគជ័យ​មួយ​នៃ​ភាព​ជា​អ្នកដឹង​នាំ​ នៃ​ព្រះរាជាណាចក្រ​កម្ពុជា​ និង​កិច្ច​ខិតខំ​ប្រឹងប្រែង​គាំទ្រ​ពី​ស្ថាប័ន​ជាតិ​ និង​អន្តរជាតិ​។​ ចំណង​មេត្រីភាព​ និង​ធនធាន​ដែល​បាន​ប្រើប្រាស់​បាន​រួមចំណែក​យ៉ាង​សំខាន់​ក្នុង​ការ​អភិវឌ្ឍ​សេដ្ឋកិច្ច​ ការ​កាត់​បន្ថយ​ភាព​ក្រីក្រ​ និង​ធ្វើ​ឱ្យ​ជីវភាព​ប្រជាពលរដ្ឋ​បាន​ធូរធារ​ និង​កាន់តែ​ប្រសើរ​។​ ដើម្បី​រក្សា​ដំណើរ​ការណ៍​នេះ​ រាជរដ្ឋាភិបាល​នៃ​ប្រទេស​កម្ពុជា​ បាន​បង្កើត​យុទ្ធសាស្ត្រ​ចតុកោណ​ដំណាក់កាល​ទី​៣​ ដើម្បី​កំណត់​សកម្មភាព​ចម្បងៗ​ ក្នុង​រយៈពេល​ ២០១៤​ ដល់​២០១៨​។​ ផែនការ​យុទ្ធសាស្ត្រ​អភិវឌ្ឍ​ជាតិ​ នឹង​ដើរតួរ​ជា​គោលការណ៍​សម្រាប់​ការ​អនុវត្ត​ ផែនការ​ចំបងៗ​ ដើម្បី​ ធានា​បាន​ថា​ គោលដៅ​ដែល​បាន​កំណត់​នោះ​នឹង​បាន​សម្រេច​។​ ស្រប​ពេល​ជាមួយនឹង​ការ​ទទួលស្គាល់​ពី​ សារៈសំខាន់​សម្រាប់​ដៃគូ​អភិវឌ្ឍន៍​ ព្រះរាជាណាចក្រ​កម្ពុជា​ បាន​បង្កើត​យុទ្ធសាស្ត្រ​អភិវឌ្ឍន៍​ដៃគូរ​សហ​ការណ៍​។​ យោង​តាម​គោលការណ៍​អភិវឌ្ឍ​ដោយ​មាន​ប្រសិទ្ធិ​ភាព​ ដែល​គិតគូរ​ដល់​សម​ទ្ធិ​ផល​ សមត្ថភាព​ និង​ភាព​ជា​ដៃគូរ​ ផែនការ​នេះ​កំណត់​ឧបករណ៍​ និង​យុទ្ធសាស្ត្រ​ ក្នុង​ការ​សម្របសម្រួល​ ដៃគូរ​អភិវឌ្ឍន៍​ ជា​ច្រើន​ផ្សេងៗ​ ដោយ​មាន​ប្រសិទ្ធិ​ភាព​ និង​សមិទ្ធិ​ផល​ល្អ​។​ ជា​ឧទាហរណ៍​ គឺ​ការ​ផ្តល់​ ជំនួយ​ផ្នែក​អភិវឌ្ឍ​ (ODA)​ ក្នុង​ទម្រង់​ហិរញ្ញវត្ថុ​ផ្សេងៗ​ ដែល​បាន​ពី​ ដៃគូរ​អភិវឌ្ឍន៍​ខាងត្បូង​ (South​ and​ South​ Actors)​ វិស័យ​ឯកជន​ និង​អង្គការក្រៅរដ្ឋាភិបាល​។​