ទិន្នន័យ GPS អំពីទីតាំងគម្រោងទំនប់វារីអគ្គិសនីកំចាយ

គម្រោងអភិវឌ្ឍន៍វារិអគ្គិសនីកំចាយត្រូវបានចុះកិច្ចសន្យាអភិវឌ្ឍន៍សម្រាប់រយៈពេល ៤៤ឆ្នាំ រាប់ទាំងរយៈពេលសាងសង់ ៤ឆ្នាំដោយក្រុមហ៊ុនSinohydro Kamchay Hydroelectric Co,Ltd.។ តាមផែនការ ការសាងសង់គម្រោងនេះ ចាប់ពីឆ្នាំ ២០០៧ ដល់ឆ្នាំ ២០១១។ ចាប់ផ្តើមដំណើរការទាំងស្រុងគិតពីថ្ងៃទី ៣០ ខែសីហា ឆ្នាំ២០១១។ ទីតាំងគម្រោងស្ថិតនៅចម្ងាយប្រមាណ ១៥ គីឡូម៉ែត្រ ភាគខាងជើងនៃទីរួមខេត្តកំពត ក្នុងស្រុកទឺកឈូ ត្រង់ចន្លោះខ្សែស្របទី១០º៤០.១៤៤´ និង១០º៤៩.៤៩៦´ នៃរយៈទទឹងខាងជើង និងខ្សែបណ្តោយទី ១០៤º០៤.៦៦៧´ និង ១០៤º០៨.៦៦៣´ នៃរយៈបណ្តោយខាងកើត។ ទីតាំងទំនប់ទី១ មានចំងាយប្រមាណ ៤.៥ គីឡូម៉ែត្រ ពីលើតំបន់ទេសចរណ៍ធម្មជាតិទឹកឈូ ហើយទំនប់ទី២ មានចំងាយប្រមាណ ៣០០ ម៉ែត្រពីលើតំបន់ទឹកឈូ។ ទីតាំងរបស់កម្រោងបញ្ជាក់កាន់តែច្បាស់ក្នុងផែនទីចង្អុលទីតាំងដែលមានភ្ជាប់(UTM, Zone 48, Datum Indian 1960)។