របាយការណ៍អង្គការអានហ្វ្រែល៖ ការបោះឆ្នោតជាតិនៅប្រទេសកម្ពុជា ឆ្នាំ២០០៣

របាយការណ៍ គឺជាលទ្ធផលនៃបេសកកម្មរបស់បណ្តាញអាស៊ីសម្រាប់ការបោះឆ្នោតដោយសេរី (អានហ្វ្រែល) អង្កេតការបោះឆ្នោតជ្រើសតាំងតំណាងរាស្រ្តរបស់ប្រទេសកម្ពុជាឆ្នាំ២០០៣ ចាប់ពីថ្ងៃទី១៩ ខែឧសភា ដល់ថ្ងៃទី ៣ ខែសីហា ឆ្នាំ២០០៣។ អ្នកសង្កេតការណ៍ សរុបចំនួន ៦៥នាក់ (អ្នកសង្កេតការណ៍រយៈពេលវែង ១០នាក់ និងរយៈពេលខ្លី ៥៥នាក់) ត្រូវបានដាក់ពង្រាយឲ្យបំពេញកិច្ចការនៅជាង ២០ ខេត្តក្រុង តាមតំបន់គោលដៅ នៃប្រទេសកម្ពុជា។ អ្នកសង្កេតការណ៍បានគូសបញ្ជាក់ពីបញ្ហារដែលនៅតែបន្តកើតមានថាជាការព្រួយបារម្ភ ក្នុងនោះរួមមានការចុះបញ្ជីឈ្មោះអ្នកបោះឆ្នោត ការចូលរួមសកម្មរបស់មន្រ្តីរាជការនិងកងកម្លាំងនៅគ្រប់កម្រិតនៅក្នុងយុទ្ធនាការបោះឆ្នោត ការបដិសេធមិនលក់ម៉ោងផ្សាយយុទ្ធនាការបោះឆ្នោតដល់គណបក្សនយោបាយដោយប្រព័ន្ធផ្សព្វផ្សាយឯកជន អំពើហិង្សារ និងការបំភិតបំភ័យ។