របាយការណ៍វឌ្ឍនភាពនៃការអនុវត្តវិធានការ កែទម្រង់មុតស្រួចជាកញ្ចប់ដែលបានដាក់ចេញក្នុង វេទិការាជរដ្ឋាភិបាល-ផ្នែកឯកជន លើកទី១៩ ប្រចាំឆមាសទី១ ឆ្នាំ២០២៤

វេទិកាលើកទីរាជរដ្ឋាភិបាល-ផ្នែកឯកជន (G-PSF) លើកទី១៩នេះបានដាក់ចេញវិធានការកែទម្រង់មុតស្រួចជាកញ្ចប់ចម្បងៗចំនួន ១១ ចំណុច រួមមាន៖ (១) ការកែសម្រួលបរិយាកាសធុរកិច្ច និងការវិនិយោគ (២) ការសម្រាលបន្ទុកលើអនុលោមភាព (៣) ការសម្រួលដល់ធុរកិច្ចក្រោមដែនសមត្ថកិច្ចពន្ធដារ (៤)​ កិច្ចសម្រួលពាណិជ្ជកម្មក្រោមដែនសមត្ថកិច្ចគយ (៥) ការលើកកម្ពស់ការដឹកជញ្ជូននិងហេដ្ឋារចនាសម្ព័ន្ធ (៦) ការស្តារនិងការលើកស្ទួយការអភិវឌ្ឍវិស័យទេសចរណ៍ (៧) ការអភិវឌ្ឍវិស័យកសិកម្មនិងឧស្សាហកម្ម (៨) វិស័យធនាគារនិងហិរញ្ញវត្ថុ (៩)វិស័យរ៉ែនិងថាមពល (១០)វិស័យសំណង់និងអចលនទ្រព្យ និង(១១)បញ្ហាផ្សេងៗ។ របាយការណ៍វឌ្ឍនភាពនេះ ត្រូវបានរៀបចំឡើងដោយប្រើប្រាស់វិធីសាស្ត្របែបបរិមាណវិស័យ ផ្អែកលើលទ្ធផលប្រព័ន្ធតាមដានការអនុវត្តវិធានការ G-PSF លើកទី១៩ (G-PSF Tracking System) ដែលមានឧបករណ៍សំខាន់ៗចំនួន២ រួមមាន៖ ផ្ទាំងវិភាគទិន្នន័យ (Dashboard) និងតារាងបណ្តុំទិន្នន័យ (Dataset)។ ការតាមដានវឌ្ឍនភាពត្រូវបានកំណត់ជា ៣កម្រិត គឺសម្រេចបានពេញលេញ កំពុងត្រូវបានអនុវត្ត និងមិនទាន់ត្រូវបានអនុវត្ត។