ការបោះឆ្នោតជ្រើសរើសក្រុមប្រឹក្សាឃំុសង្កាត់ឆ្នាំ២០០២

កាលពីថ្ងៃទី៣ ខែកុម្ភៈ ឆ្នាំ២០០២ ប្រទេសកម្ពុជាបានរៀបចំឲ្យមានការបោះឆ្នោត សម្រាប់ ១,៦២១ ឃំុ សង្កាត់ នៅទូទាំងប្រទេស។ ដោយសារតែជាការបោះឆ្នោតនៅថ្នាក់មូលដ្ឋានលើកដំបូងគេ ចាប់តាំងពីផែនការសន្តិភាពឧបត្ថម្ភដោយអង្គការសហប្រជាជាតិនៅឆ្នាំ១៩៩១ ការបោះឆ្នោតឃំុសង្កាត់នេះ ជាទូទៅ ត្រូវបានចាត់ទុកថាជាជំហានដ៏សំខាន់មួយឈ្ពោះទៅរកវិមជ្ឈការអំណាច និងបង្កើនការប្រកួតប្រជែងនយោបាយ នៅទូទាំងប្រទេស។ របាយការណ៍នេះ នឹងពិនិត្យទៅលើដំណើរការបោះឆ្នោតក្រុមប្រឹក្សាឃំុសង្កាត់ ចាប់ពីការរៀបចំក្របខណ្ឌច្បាប់ រហូតដល់អំឡុងពេលបណ្តឹងតវ៉ា/ជំទាស់ និងបណ្តឹងឧទ្ធរណ៍ នៅក្រោយការបោះឆ្នោត។