ການອະນຸມັດ ແລະ ປະກາດໃຊ້ນະໂຍບາຍ ວ່າດ້ວຍການພັດທະນາພະລັງງານໄຟຟ້ານ້ຳຕົກ ໃນ ສປປ ລາວ

ນະໂຍບາຍສະບັບນີ້ ມີຈຸດປະສົງໃຫ້ທິດຊີ້ນຳດ້ານນະໂຍບາຍ ແລະ ເປັນບ່ອນອີງສຳລັບໜ່ວຍງານຕ່າງໆ ທີ່ຮັບຜິດຊອບໃນການກວດກາການຈັດຕັ້ງປະຕິບັດໂຄງການລົງທຶນ ໃນຂະແໜງ ພະລັງງານໄຟຟ້ານ້ຳຕົກ ກໍຄືໃຫ້ຂໍ້ມູນ ແລະ ສົ່ງເສີມຄວາມຮູ້ຂອງນັກພັດທະນາ/ນັກລົງທຶນ ກ່ຽວກັບນະໂຍບາຍຂອງລັດຖະບານ ດ້ານການພັດທະນາໃຫ້ມີຄວາມຍືນຍົງໃນ ສປປ ລາວ. ນະໂຍບາຍນີ້ ບໍ່ແມ່ນສະເພາະສຳລັບໂຄງການຂະໜາດໃຫຍ່ ແຕ່ແມ່ນສຳລັບໂຄງການທຸກໆຂະໜາດ. ຂັ້ນຕອນຂອງໂຄງການພັດທະນາພະລັງງານໄຟຟ້ານ້ຳຕົກ ລວມມີ: ການວາງແຜນ, ການກໍ່ສ້າງ, ການເຄື່ອນໄຫວ ແລະ ການໂອນມອບໂຄງການ.