ສານເຄມີທີ່ປ່ອຍລົງສູ່ແມ່ນ້ຳໃນລາວ ເຮັດໃຫ້ປາຕາຍ

ສານເຄມີທີ່ປ່ອຍລົງສູ່ແມ່ນ້ຳຈາກສວນກ້ວຍຈີນ ໃນນະຄອນຫຼວງວຽງຈັນຂອງລາວ ເຮັດໃຫ້ປາຕາຍ 300 ກວ່າກິໂລ ໃນເດືອນພະຈິກ, ເຮັດໃຫ້ອຳນາດການປົກຄອງຕ້ອງອອກຄຳເຕືອນ ບໍ່ໃຫ້ປະຊາຊົນລົງອາບນ້ຳ ຫຼື ຫາປາໃນສາຍນ້ຳທີ່ເປັນພິດດັ່ງກ່າວ, ຕາມແຫຼ່ງຂ່າວພາຍໃນປະເທດ. ຂ່າວດັ່ງກ່າວແມ່ນເກີດຂຶ້ນໃນລະຫວ່າງວັນທີ 7 ແລະ 9 ພະຈິກ ເຊິ່ງມີຜົນກະທົບຕໍ່ບ້ານ ເຕົາໄຫ, ໃຫຍ່-ນາຈະເລີນ, ແລະ ກົ້ວ ເຊິ່ງຕັ້ງຢູ່ລຽບລຳຫ້ວຍນ້ຳຕອນ ເມືອງສັງທອງ ນະຄອນຫຼວງວຽງຈັນ.