ຂໍ້ຜູກພັນສັນຍາການຜະລິດກະສິກໍາ ໃນ ສປປ ລາວ: ຕອບສະໜອງຕາມທ່າອ່ຽງທີ່ເພີ້ມຂຶ້ນຂອງວຽກງານກະສິກຳ

ບົດສັງລວມຫຍໍ້ສະບັບນີ້້ ໄດ້ສັງລວມບັນດາຮູບແບບຂໍ້ຜູກພັນສັນຍາການຜະລິດກະສິກໍາ ທີ່ມັກພົບເຫັນຢູ່ໃນລາວ, ເຊິ່ງມີການຂະຫຍາຍຕົວການຜະລິດຢ່າງຫລວງຫລາຍ ເພື່ອເປັນສີນຄ້າສົ່ງອອກ ລະຫວ່າງ ແຂວງຕໍ່ແຂວງ ໃນຊຸມປີ 2000 ຜ່ານມາ. ການວິເຄາະໄດ້ຊີ້ໃຫ້ຜົນປະໂຫຍດ ແລະ ສີ່ງທ້າທາຍ ຈາກການຈັດຕັ້ງປະຕິບັດຮູບແບບສັນຍາຂໍ້ຜູກພັນການຜະລິດກະສິກໍາ ຕາມທັດສະນະຂອງ ຊາວກະສິກອນ, ນັກລົງທຶນ ແລະ ພາກລັດ ເພື່ອສະໜັບສະໜູນການພັດທະນາບັນດານິຕິກໍາລຸ່ມກົດໝາຍ ໃນການຄຸ້ມຄອງ, ຫລຸດຜ່ອນຄວາມສ່ຽງ ແລະ ສ້າງຜົນປະໂຫຍດໃຫ້ແກ່ຊາວກະສິກອນ ແລະ ນັກລົງທຶນ. ບັນດາບົດຄົ້ນຄ້ວາໃນໄລຍະຜ່ານມາ ໄດ້ຊີ້ໃຫ້ເຫັນເຖີງຄວາມຈໍາເປັນກໍານົດບົດບາດ, ຄວາມຮັບຜິດຊອບ, ສິດ ແລະ ພັນທະ ໃນການຄຸ້ມຄອງຂໍ້ຜູກພັນສັນຍາການຜະລິດກະສິກໍາ ໃຫ້ມີຄວາມຈະແຈ້ງ ແລະ ກໍານົດກົນໄກທີ່ເປັນທໍາໃນການແກ້ໄຂບັນຫາຂໍ້ຂັດແຍ່ງ ລະຫວ່າງ ຄູ່ສັນຍາໃຫ້ມີຄວາມເປັນກາງ.