ການປະເມີນລະບົບນິເວດຂອງເຂດດິນບໍລິເວນນ້ຳໃນ ສ ປ ປ ລາວ: ກໍລະນີສຶກສາຂອງ ເຂດດິນບໍລິເວນນໍ້າບຶງກຽດໂງ້ງ

ບຶງກຽດໂງ້ງແມ່ນເປັນເຂດດິນບໍລິເວນນ້ຳທີ່ຕັ້ງຢູ່ເມືອງປະຖົມພອນ ແຂວງ ຈຳປາສັກ ແລະ ມີບົດບາດທີ່ສຳຄັນຫຼາຍຕໍ່ການດຳລົງຊີວິດຂອງປະຊາຊົນໃນທ້ອງຖິ່ນບໍ່ວ່າຈະເປັນທາງກົງ ຫຼື ທາງອ້ອມ. ເຂດບຶງກຽດໂງ້ງແມ່ນມີຊີວະນາໆພັນທີ່ສຳຄັນ ແລະ ເປັນເຂດດິນບໍລິເວນນໍ້າຣາມຊາແຫ່ງທຳອິດໃນ ສ ປ ປ ລາວ ແຕ່ເຖິງແນວໃດກໍຕາມ ໃນເຂດບຶງກຽດໂງ້ງແມ່ນຍັງມີອຸປະສັກ ແລະ ຂໍ້ຫຍຸ້ງຍາກຫຼາຍຢ່າງ ເຊິ່ງໜຶ່ງໃນຂໍ້ຫຍຸ້ງຍາກແມ່ນ ຄວາມຕ້ອງການທີ່ດິນ ແລະ ນ້ຳ ເພື່ອການປູກເຂົ້າໃນລະດູແລ້ງ. ໄດ້ມີການສຶກສາຈຳນວນໜຶ່ງແມ່ນໄດ້ມີການເກັບກຳຂໍ້ມູນຂອງປະໂຫຍດທີ່ເປັນທາງກົງ ແລະ ທາງອ້ອມຂອງລະບົບນິເວດຂອງເຂດດິນບໍລິເວນນ້ຳ ແລະ ຄ່າໃຊ້ຈ່າຍທີ່ເກີດຂຶ້ນໃນການປ່ຽນແປງຂອງລະບົບນິເວດໃນ ສ ປ ປ ລາວ. ດັ່ງນັ້ນ ຈຸດປະສົງຂອງການສຶກສາໃນຄັ້ງນີ້ແມ່ນເພື່ອພັດທະນາເຄື່ອງມືການປະເມີນມູນຄ່າເຂດດິນບໍລິເວນນ້ຳທີ່ງ່າຍດາຍ ເພື່ອກຳນົດມູນຄ່າຂອງເຂດດິນບໍລິເວນນ້ຳທີ່ເປັນທັງທາງກົງ ແລະ ທາງອ້ອມ ປະກອບສ່ວນເຂົ້າໃນນຳໃຊ້ໃນການກຳນົດນະໂຍບາຍ ແລະ ການຕັດສິນໃຈ.