ການປັບປຸງການຄຸ້ມຄອງປ່າໄມ້ໃນພາກພື້ນແມ່ນ້ຳຂອງ

ບົດລາຍງານນີ້ໄດ້ລະບຸເຖິງໂອກາດຂອງກິດຈະກຳໃນພາກພື້ນ ເພື່ອປັບປຸງການຄຸ້ມຄອງປ່າໄມ້ ແລະ ການຂຸດຄົ້ນປ່າໄມ້ໃນບັນດາປະເທດໃນພາກພື້ນແມ່ນ້ໍາຂອງ ເຊິ່ງໄດ້ອີງໃສ່ກອງປະຊຸມ ແລະ ການວິເຄາະໃນປີ 2009 ແລະ 2010 ຕະຫຼອດຮອດການສໍາພາດຜູ້ຊ່ຽວຊານຈາກບັນດາໂຄງການລະດັບຊາດ ແລະ ພາກພື້ນໃນປະເທດກໍາປູເຈຍ, ລາວ, ໄທ ແລະ ຫວຽດນາມ. ພາກທີໜຶ່ງຂອງບົດລາຍງານແມ່ນພາບລວມຂອງການຄຸ້ມຄອງປ່າໄມ້ ແລະ ການລິເລີ່ມການຕໍ່ຕ້ານການຕັດໄມ້ທຳລາຍປ່າ ແລະ ການຄ້າໄມ້ຜິດກົດໝາຍ ທີ່ມີຢູ່ແລ້ວ; ພາກທີສອງໄດ້ສະເຫນີບັນດາຂໍ້ສະເຫນີແນະກ່ຽວກັບກິດຈະກໍາລະດັບພາກພື້ນ ແລະ ລະດັບຊາດເພື່ອປັບປຸງການຄຸ້ມຄອງປ່າໄມ້ໃນຂົງເຂດແມ່ນໍ້າຂອງ.