ການຫັນປ່ຽນທີ່ດິນເປັນທຶນ, ປະຊາຊົນເປັນແຮງງານ: ການສະສົມແບບດັ້ງເດີມ ແລະ ການໃຫ້ສຳປະທານທີ່ດິນເສດຖະກິດໃນ ສ ປ ປ ລາວ

ໃນຊຸມປີທີ່ຜ່ານມາ ລັດຖະບານລາວໄດ້ໃຫ້ນັກລົງທຶນຕ່າງປະເທດທີ່ມີເງີນທຶນ ມາສຳປະທານທີ່ດິນເພື່ອພັດທະນາການກະສິກຳເປັນຈຳນວນຫຼາຍ ເຊິ່ງການສຳປະທານດັ່ງກ່າວແມ່ນສົ່ງຜົນໃຫ້ເກີດການປ່ຽນແປງກ່ຽວກັບທີ່ດິນ ແລະ ລະບົບທາງນິເວດວິທະຍາທີ່ສຳຄັນ ແລະ ທີ່ສຳຄັນຍິ່ງໄປກວ່ານັ້ນແມ່ນສົ່ງຜົນໃຫ້ການເຂົ້າເຖິງຊັບພະຍາກອນໃນພື້ນທີ່ໃກ້ຄຽງຫຼຸດລົງຢ່າງຫຼວງຫຼາຍ ແລະ ທ້ານສຸດກໍມີການປ່ຽນແປງຂະໜາດໃຫຍ່ ສຳລັບການດຳລົງຊີວິດຂອງຊົນເຜົ່າພື້ນເມືອງສ່ວນໃຫຍ່ທີ່ອາໄສຢູ່ໃກ້ກັບບໍລິເວນທີ່ມີການສຳປະທານ ເຊິ່ງຫຼາຍຄົນຕ້ອງສູນເສຍທີ່ດິນທາງກະສິກຳ ແລະ ປ່າໄມ້ ຫຼື ເງື່ອນໄຂໃນການຜະລິດ ແລະ ເຮັດໃຫ້ຫຼາຍຄົນທີ່ຢູ່ສວນດຽວກັນຕ້ອງວ່າງງານ; ການຄົ້ນຄວ້າກໍລະນີສຶກສາ 2 ກໍລະນີກ່ຽວກັບເສດຖະກິດ ແລະ ການສຳປະທານທີ່ດິນທາງພາກໃຕ້ຂອງລາວນັ້ນ ຜູ້ຂຽນມີຄວາມເຊື່ອວ່າການປະຍຸກແນວຄິດທິດສະດີການສະສົມແບບດັ້ງເດີມຈະສາມາດຊ່ວນໃຫ້ເຂົ້າໃຈຂະບວນການດຳເນີນການທາງການເມືອງ ແລະ ແຮງຈູງໃຈຂອງລັດຖະກອນໄດ້ດີຂຶ້ນ ລວມທັງບັນດາເຫດຜົນໃນການປົດປ່ອຍຊົນນະບົດທີ່ເກີດຂຶ້ນໃນນາມ ປະເທດສັງຄົມນິຍົມ