ການບຽດຍຶດຍ່ານນ້ຳໃນລ້ອງແມ່ນ້ຳຂອງ - ບົດວິເຄາະຜູ້ຊະນະ ແລະ ຜູ້ພ່າຍແພ້ ໃນການພັດທະນາເຂື່ອນໄຟຟ້ານ້ຳຕົກຂອງໄທ ໃນ ສປປ ລາວ

ບົດວິໄຈນີ້ ອະທິບາຍກ່ຽວກັບຄວາມມີອຳນາດຂອງລັດຖະບານ ແລະ ຂະແໜງເອກະຊົນ ຈາກປະເທດໄທ ແລະ ສປປ ລາວ ໃນການລະດົມອຳນາດ ເພື່ອຄວບຄຸມຜົນປະໂຫຍດຈາກ ເຂື່ອນໄຟຟ້າ ໃນຂະນະທີດຽວກັນກໍ່ບໍ່ສົນໃຈຕໍ່ຜົນກະທົບອັນໃຫຍ່ຫຼວງຕໍ່ສັງຄົມ ແລະ ສິ່ງແວດລ້ອມ, ເຊິ່ງນີ້ເປັນການສ້າງຮູບແບບການບຽດຍຶດນ່ານນ້ຳ. ບົດວິເຄາະນີ້ສະແດງໃຫ້ເຫັນວ່າ ໂຄງສ້າງ ແລະ ການເມືອງຂອງຂະແໜງການໄຟຟ້າໄທ, ການເກນກຳໄລຂອງຂະແໜງເອກະຊົນ ແລະ ອົງການສັງຄົມສົງເຄາະພາຍໃນທີ່ເຂັ້ມແຂງ ກຳລັງຂັບເຄື່ອນການລົງທຶນ ດ້ານພະລັງງານໄຟຟ້ານ້ຳຕົກຂອງໄທ ໃນປະເທດເພື່ອບ້ານຄືລາວ. ຕົວຂັບເຂື່ອນ ແລະ ປັດໃຈສະໜັບສະໜູນເຫຼົ່ານີ້ ລວມເຂົ້າກັບການພັດທະນາພາກພື້ນ ທີ່ສຸມໃສ່ເສດຖະກິດ ໃນໄລຍະສັ້ນ ເພື່ອສ້າງໂອກາດໃນການບຽດຍຶດນ່ານນ້ຳ. ຜູ້ຊະນະໃນການບຽດຍຶດນ່ານນ້ຳ ແມ່ນບັນດາຜູ້ມີອຳນາດ ທີ່ຄວມຄຸມຜົນປະໂຫຍດ, ໃນຂະນະທີ່ຜູ້ພ່າຍແພ້, ຊຸມຊົນທ້ອງຖິ່ນ ແລະ ສິ່ງແວດລ້ອມ ເປັນຜູ້ໄດ້ຮັບຜົນກະທົບໃນທາງລົບ.