ဓာတ်သတ္တု စမ်းသပ်တိုင်းတာရန် လုပ်ငန်းသဘောတူစာချုပ် နမူနာပုံစံများ

ဤအချက်အလက်အစုတွင် လုပ်ငန်းသဘောတူစာချုပ်ပုံစံ (၂) မျိုးပါဝင်ပါသည်။ ပထမ အမျိုးအစားမှာ လိုင်စင်သက်တမ်းကာလအတွင်း သတ်မှတ်ထားသော သထ္ထုသိုက်ဧရိယာအတွင်း၌ ခွင့်ပြုထားသော သက်တမ်းကာလအတွင်း သထ္ထုတူးဖော်ရေးလုပ်ငန်းဆိုင်ရာ စံချိန်စံညွှန်းများ၊ သဘောတူစာချုပ်နှင့် လုပ်ငန်းခွင့်ပြုချက်လိုင်စင်တွင်ပါဝင်သော စည်းကမ်းသတ်မှတ်ချက်များနှင့်အညီ ဓာတ်သထ္ထုစမ်းသပ် တိုင်းတာရေးလုပ်ငန်းများ လုပ်ကိုင်ခွင့်ပြုရန်အတွက် သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာနလက်အောက်ရှိ သထ္ထုတွင်းဦးစီးဌာနနှင့် လုပ်ငန်းကုမ္ပဏီတို့အကြား လက်မှတ်ရေးထိုး ချုပ်ဆိုသော သဘောတူစာချုပ်ဖြစ်ပါသည်။ ဒုတိယအမျိုးအစားမှာ သတ်မှတ်ထားသောသထ္ထုသိုက် ဧရိယာအတွင်း၌ သဘောတူစာချုပ်ပါစည်းကမ်းသတ်မှတ်ချက်များနှင့်အညီ ဓာတ်သထ္ထုစမ်းသပ် တိုင်းတာရေး ၊ ရှာဖွေရေးနှင့် သထ္ထုရိုင်း ပမာဏအကဲဖြတ်တွက်ချက်ရေး လုပ်ငန်းစဉ်များ ဆောင်ရွက်ခွင့် ပြုရန်အတွက် သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန လက်အောက်ရှိ မြေတိုင်း ဦးစီးဌာနနှင့် လုပ်ငန်းကုမ္ပဏီတို့အကြား လက်မှတ်ရေးထိုးချုပ်ဆိုသော သဘောတူ စာချုပ်ဖြစ်ပါသည်။