မြန်မာပွန်ပီပက်ကုမ္ပဏီလီမိတက် - ဟိန္ဒားသတ္တုတွင်း၏ လူမှု နှင့် သဘာဝပတ်ဝန်းကျင်ထိခိုက်မှု ဆန်းစစ်ခြင်းအတွက် နယ်ပယ်တိုင်းတာ သတ်မှတ်ခြင်း အစီရင်ခံစာ

ဖော်ပြပါအစီရင်ခံစာသည် တနင်္သာရီတိုင်းဒေသကြီး ၊ မေတ္တာမြို့နယ် ၊ ဟိန္ဒားရွာအနီး ရှိ ဟိန္ဒားသတ္တုတွင်း စီမံကိန်း အတွက်ပြင်ဆင်ရေးသားထားသည့် လူမှု နှင့် သဘာဝပတ်ဝန်းကျင်ထိခိုက်မှုဆန်းစစ်ခြင်းဆိုင်ရာ (ESIA) အစီရင်ခံစာဖြစ်ပါသည်။ အဆိုပါစီမံကိန်းကို အဓိကဖော်ဆောင်သည့်ကုမ္ပဏီမှာ “မြန်မာပွန်ပီပက် ကုမ္ပဏီလီမိတက်” (Myanmar Pongpipat Co., Ltd) ဖြစ်၍ လူမှု နှင့် သဘာဝပတ်ဝန်းကျင်ထိခိုက်မှု ဆန်းစစ်ရေးနှင့် ရပ်ရွာလူထု ပါဝင် ၊ ပူးပေါင်း ၊ ဆောင်ရွက်ရေးလုပ်ငန်းစဉ်များအတွက် “အမြဲစိမ်း သဘာဝ ပတ်ဝန်းကျင်ဆိုင်ရာ ဝန်ဆောင်မှုနှင့် နည်းပညာလေ့ကျင့်သင်ကြားရေး ကုမ္ပဏီလီမိတက်” (Ever Green Tech Environmental Services and Training Co., Ltd) ကို တာဝန်ပေးအပ်ထားပါသည်။ အဆိုပါစီမံကိန်း ဧရိယာအကျယ်အဝန်းမှာ (၈၀၉) ဟက်တာကျော်ဖြစ်၍ တူးဖော်ထုတ်လုပ်မည့် သထ္ထုမှာ သံဖြူသထ္ထုရိုင်းဖြစ်ပါသည်။