မြန်မာနိုင်ငံသဘာဝသယံဇာတများစီမံခန့်ခွဲမှုနှင့်ဘဏ္ဍာငွေကောက်ခံမှုမှရရှိလုပ်ငန်းစဉ်များတွင်ဒေသ ဆိုင်ရာအစိုးရအဖွဲ့အစည်းများ၏ လက်ရှိအခန်းကဏ္ဍကိုဤသုတေသနစာတမ်းမှအနှစ်ချုပ်ရှင်းလင်းတင်ပြထားပါသည်။သဘာဝသယံဇာတ ထုတ်လုပ်မှုလုပ် ငန်းများမှနိုင်ငံတော်အတွက်ဝင်ငွေအများအပြားရရှိလျှက်ရှိပြီး လာမည့်နှစ်များအတွင်းအဆိုပါလုပ်ငန်းကဏ္ဍများကြီးထွားလာနိုင်ခြေရှိနေပါသည်။သမတဦးသိန်းစိန်အစိုးရအနေဖြင့် သဘာဝသယံဇာတများစီမံခန့်ခွဲမှုစနစ်ဆိုင်ရာပြုပြင်ပြောင်းလဲရေးလုပ်ငန်းစဉ်များကိုဦးစားပေးဆောင်ရွက်ခဲ့ပြီး ပြည်သူလူထုနှင့်အရပ်ဖက်လူမှုအဖွဲ့အစည်းများမှ အထူးအာရုံစိုက်စောင့်ကြည့်ခဲ့ပါသည်။ထို့အပြင်မြန်မာ နိုင်ငံသဘာဝသယံဇာတများစီမံခန့်ခွဲမှုနှင့်ဘဏ္ဍာငွေကောက်ခံမှုမှရရှိလုပ်ငန်းစဉ်များသည်နှစ်ပေါ်င်းများစွာလက်နက်ကိုင်ပဋိပက္ခ များဖြစ်ပွါးနေသော နယ်မြေများတွင် အငြင်းပွါးဖွယ်ဖြစ်နေခဲ့ပြီးငြိမ်းချမ်းရေးတွေ့ဆုံဆွေးနွေးပွဲများတွင်အဆိုပါကိစ္စရပ်များကိုအပြည့်အဝထည့်သွင်းစဉ်းစားရန်လိုအပ်ပါသည်။ အနာဂတ်ပြုပြင်ပြောင်းလဲရေးလုပ်ငန်းစဉ်များကိုဆွေးနွေးညှိနှိုင်းလာသည်နှင့်အမျှ အဆိုပါနယ်မြေဒေသများတွင်လက်ရှိကျင့်သုံးနေသော စနစ် ၊ အလေ့အထ နှင့် ၊ ဉပဒေများ ကိုခြုံငုံသုံးသပ်၍ မူဝါဒဆိုင်ရာဆွေးနွေးပွဲများနှင့် သုတေသနလုပ်ငန်းစဉ်များတွင်အခြေ ခံအုတ်မြစ်တစ်ခုအဖြစ်အထောက်အကူဖြစ်နိုင်စေရန်ဤသုတေသနစာတမ်းမှရည်ရွယ်ပါသည်။

• အင်္ဂလိပ်ဘာသာစကား