ဤစာတမ်းသည် ကိုဗစ်-၁၉ ကူးစက်ရောဂါ မစတင်မီ မြန်မာနိုင်ငံရှိ ကျေူာင်းသားများ၏သင်ယူမှုရလဒ်များအခြေအနေကို အကျဉ်းချုပ်ဖော်ပြထားပြီး ကူးစက်ရောဂါဖြစ်ပွားမှုနှင့် ၂၀၂၁ခုနှစ် ဖေဖော်ဝါရီလ (၁)ရက်နေ့ တွင် စစ်တပ်အာဏာသိမ်းမှုတို့ကြောင့် ကျောင်းသားများ၏ ပညာသင်ယူမှုဆုံးရှုံးမှုများနှင့် အနာဂတ်ဝင်ငွေများကို နောက်ကြောင်းပြန်ခန့်မှန်းထားခြင်းတို့ကို တင်ပြထားသည်။ ၎င်းသည် စာဖတ်ခြင်းနှင့် သင်္ချာဆိုင်ရာ များကို သင်ယူမှုအဆင့်တွင် အလွန်နိမ့်ကျမှုရှိခြင်းတို့ကြောင့် ကိုဗစ်-၁၉ ကာလမတိုင်မီကပင် သင်ယူမှုအခက်အခဲများကိုကြုံတွေ့နေရခဲ့ခြင်းဖြစ်ကြောင်းနှင့် မတူညီသော လူတန်းစားအုပ်စုများတါင် သင်ယူမှုရလဒ်များ၌ကြီးမားသောကွာဟမှုများရှိနေကြောင်းကို ဖော်ပြထားသည်။ ဤသို့ဖြစ်ရခြင်းမျာ ကူးစက်ရောဂါဖြစ်ပွားမှုနှင့် အာဏာသိမ်းမှုတို့ကြောင့် ကျောင်းများ (၂)နှစ်နီးပါးပိတ်ထားခဲ့ရခြင်းကြောင့်ဖြစ်သည်။ ထို့ကြောင့် မြန်မာနိုင်ငံရှိ ကလေးများသည် ပညာသင်ယူမှုများတွင် ဆုံးရှုံးမှုများကိုသိသိသာသာကြုံတွေ့ခဲ့ရပြီး တနည်းအားဖြင့် ၎င်းတို့၏ အနာဂတ်ဝင်ငွေများလျော့ကျသွားမည်ဖြစ်သည်။ ထိုအချက်က ကာလတိုသင်ယူမှုဖြင့်ပြန်လည်ရယူနိုင်မည့် လုပ်ဆောင်မှုနည်းလမ်းကို ဦးစားပေးလုပ်ဆောင်ရန်လိုအပ်သကဲ့သို့ စနစ်၏ခံနိုင်ရည်ရှိမှုအားကောင်းလာစေရန်ရည်ရွယ်သည့် ရေရှည်ဆောင်ရွက်ရမည့်လုပ်ဆောင်မှု နှစ်ခုစလုံးကို လိုအပ်မည်ဖြစ်သည်။

• အင်္ဂလိပ်ဘာသာစကား