ရခိုင်ပြည်နယ် “အရေးပေါ်ကိစ္စမရှိပါကမိမိအိမ်၌သာနေထိုင်ခြင်းအစီအစဉ်” (Stay - Home Program)

ရခိုင်ပြည်နယ် မြို့နယ်များရှိ ပြည်သူများသည် “အရေးပေါ်ကိစ္စမရှိပါက မိမိအိမ်၌သာနေထိုင်ခြင်း အစီ အစဉ်” (Stay - Home Program) နှင့်အညီ နေထိုင်ကြရမည်ဖြစ်ပါသည်။

“အရေးပေါ်ကိစ္စမရှိပါက မိမိအိမ်၌သာနေထိုင်ခြင်းအစီအစဉ်” (Stay - Home Program) သက်ရောက်ရာ ရခိုင်ပြည်နယ် မြို့နယ်များတွင်မှီတင်းနေထိုင်သည့် ပြည်သူများအနေဖြင့် အောက်ဖော်ပြပါ စည်းမျဉ်း စည်းကမ်းများကို လေးစားလိုက်နာကြရပါမည်။

(က) မိမိတို့၏နေအိမ်များတွင်သာနေထိုင်ရန် (အစိုးရဌာနများ၊ အဖွဲ့အစည်းများ၊ ကုမ္ပဏီများ၊ စက်ရုံများနှင့် အလုပ်ရုံများတွင် တာဝန်ထမ်းဆောင်ရန် လိုအပ်သူများ ပါဝင်ခြင်းမရှိပါ)

(ခ) လိုအပ်သည်များကို ဝယ်ယူရာတွင် အိမ်ထောင်စုတစ်ခုလျင် တစ်ဦးသာနေအိမ်မှထွက်ခွာ၊ ဝယ်ယူရန်

(ဂ) ဆေးရုံ၊ ဆေးခန်းများသို့ သွားရောက်ပြသရန်လိုအပ်လျင် တစ်အိမ်လျင် (၂) ယောက်သာ နေအိမ်မှ ထွက်ခွါ၊ သွားရောက်ရန်

(ဃ) အပြင်ထွက်လျင် နှာခေါင်းစည်း (Mask) တပ်ဆင်ရန်

(င) တာဝန်အရခရီးသွားလာသူများကိုတင်ဆောင်လာသည့်ယဉ်များနှင့် ဖြတ်သန်းသွားလာခွင့် ရရှိ ထားသည့် ယဉ်များကိုသာခွင့်ပြုရန်

(စ) ရပ်ကွက်အတွင်းစျေးဝယ်ရာနှင့် ကျန်းမာရေးစောင့်ရှောက်မှုများအတွက် ပြင်ပသို့သွားရောက်ရာတွင် ခရီးသည်တစ်ဦးနှင့် ယဉ်မောင်းတစ်ဦးကိုသာ ခွင့်ပြုရန်