မြန်မာနိုင်ငံ ကုန်စည်ကူးသန်းရောင်းဝယ်မှုလုပ်ငန်း - ရေနံနှင့်ဓာတ်ငွေ့ကဏ္ဏအပေါ်လေ့လာမှု အစီရင် ခံစာ

ဤလေ့လာမှုအစီရင်ခံစာ ဖော်ထုတ်ပြုစုရသည့် အဓိကရည်ရွယ်ချက်မှာ နိုင်ငံတော်မှထုတ်ပြန်ကြေညာ သည့် ရေနံ၊ ဓာတ်ငွေ့နှင့် အခြားရေနံထွက်ကုန်များ ရောင်းချရသည့် ဘဏ္ဏာငွေပမာဏ၊ ရောင်းချသည့် ထုတ်ကုန်အမျိုးအစား၊ ပမာဏ၊ စျေးကွက် စသည်တို့နှင့်ပတ်သက်၍ လုံလောက်ပြည့်စုံသော အစီရင်ခံစာ တစ်ရပ်ထွက်ပေါ်လာစေရန်၊ နိုင်ငံတော်အစိုးရ၏အဆိုပါ ထုတ်ပြန်ကြေညာသည့် စာရင်းအချက် အလက် များနှင့် ဝယ်ယူသည့် ကုမ္ပဏီများမှတင်ပြသည့် စာရင်းအချက်အလက်များကို သက်ဆိုင်ရာ တွင်းထွက် သယံဇာတလုပ်ငန်းများ ပွင့်လင်းမြင်သာမှုဖော်ဆောင်ရေး ကနဦးခြေလှမ်းအစီအစဉ် (EITI) စံချိန်စံညွှန်း သတ်မှတ်ချက် ၄.၂ (၂၀၁၆) နှင့်အညီ စိစစ်၊ အတည်ပြု၊ ပေါင်းစည်း နိုင်ရန်ဖြစ်ပါသည်။ ထို့အပြင် မြန်မာအစိုးရအနေဖြင့် အဆိုပါကုန်ပစ္စည်းများထုတ်လုပ်ရောင်းချမှုရရှိသည့်ဝင်ငွေသည် အမှန်တကယ် စျေးကွက်တန်ဖိုးနှင့်အညီ ရှိ၊ မရှိနှင့် အဆိုပါဘဏ္ဏာငွေများ နိုင်ငံ၏ရသုံးမှန်းခြေငွေစာရင်းသို့ စီးဆင်း ရာတွင် ပွင့်လင်းမြင်သာမှုနှင့် တာဝန်ယူမှု၊ တာဝန်ခံမှု ရှိ၊မရှိ ဟူသည့်အချက်များကို ဤလေ့လာမှု အစီရင် ခံစာတွင် ကောက်ချက်ချတင်ပြထားပါသည်။