ကျောက်စိမ်းဘုရင်များ

မြန်မာနိုင်ငံ၏ကျောက်စိမ်းလုပ်ငန်းသည်မျက်မှောက်ခေတ်သမိုင်းတွင်အကြီးမားဆုံးသောသဘာဝသယံဇာတအရင်းအမြစ်အနိုင်ကျင့်လုယက်မှုဖြစ်နိုင်ပါသည်။ကျောက်စိမ်းလုပ်ငန်းတွင်ပါဝင်လည်ပတ်နေသောငွေပမာဏသည်မမျှော်မှန်းနိုင်လောက်အောင်မြင့်မားနေသော်လည်း တာဝန်ယူမှုတာ၀န်ခံမှုအဆင့်များကမူအဝီစိတမျှနိမ့်ကျနေပါသည်။ ဩဇာအလွှမ်းမိုးဆုံးနှင့်အန္တရာယ်အပေးနိုင်ဆုံးကျောက်စိမ်းအုပ်စုများအနက်တစ်ခုမှာမြန်မာနိုင်ငံ၏အကျော်ကြားဆုံးမူးယစ်ရာဇာဝေရှောက်ခန် (Wei Hsueh Kang) မှထိန်းချုပ်ထားသောကုမ္ပဏီများဖြစ်သည်။ ဝေရှောက်ခန်နှင့်သူ၏လုပ်ဖော်ကိုင်ဖက်များသည်ကမ္ဘာတဝှမ်းရှိအကြမ်းဖက်သမားများ၊ မိမိအာဏာကိုအသုံးပြု၍နိုင်ငံ၏သဘာဝသယံဇာတများကိုအလွဲသုံးစားပြုသည့်အုပ်ချုပ်သူများ(kleptocrats) နှင့်မာဖီးယားဂိုဏ်းများ၏ပုံစံကို နမူနာယူလျှက်ကျောက်စိမ်းအင်ပါယာကိုတည်ဆောက်ရန်နှင့်ရုပ်ဖျက်ဖုံးကွယ်ရန်အတွက် လျို့ဝှက်သောကုမ္ပဏီဖွဲ့စည်းပုံကွန်ယက်များကိုမည်သို့ဖန်တီအသုံးပြုခဲ့သည်ကိုဤအစီရင်ခံစာတွင် ဖော်ထုတ်တင်ပြထားပါသည်။