မြန်မာနိုင်ငံ သဘာဝပတ်ဝန်းကျင်ဆိုင်ရာ အကဲဖြတ်သုံးသပ်ချက် - ရေရှည်တည်တံ့ခိုင်မြဲမှု၊ ငြိမ်းချမ်းမှုနှင့် ကြွယ်ဝချမ်းသာမှုသို့ သွားရာလမ်း (ညှိနှိုင်းပေါင်းစပ်မှု အစီရင်ခံစာ)

ဤအစီရင်ခံစာတွင် လက်ရှိရင်ဆိုင်ကြုံတွေ့နေရသည့် ကိစ္စရပ်များ၊ စိန်ခေါ်မှုအခက်အခဲများ၊ ဥပဒေ ကြောင်းရာနှင့် အဖွဲ့အစည်းဆိုင်ရာ ဆက်စပ်နေသည့်အကြောင်းအရာများကို လေ့လာ၊ စူးစမ်း၊ တင်ပြ ထားပါသည်။ အဖွဲ့အစည်းဆိုင်ရာ ပံ့ပိုးမှုများနှင့် ပြုပြင်ပြောင်းလဲမှုများ၊ အရင်းအမြစ်များတရားမဝင် ထုတ်ယူသုံးစွဲနေမှုများအပေါ် ဥပဒေနှင့်အညီ ထိရောက်စွာစည်းကြပ်ဆောင်ရွက်မှုများ၊ သက်ဆိုင်ရာ အကျိုးစီးပွါးပတ်သက်ပါဝင်နေသူများအနေဖြင့် အမူအကျင့်ဆိုင်ရာပြောင်းလဲမှုများ၊ အဖွဲ့အစည်းဆိုင်ရာ စွမ်းရည်တည်ဆောက်မြှင့်တင်မှုများ၊ ငွေကြေးရံပုံငွေတိုးမြှင့်နိုင်ရန်အားထုတ်မှုများ၊ နှင့် အချက်အလက် ကောက်ယူမှုနှင့် အကဲဖြတ်ဆန်းစစ်မှုလုပ်ငန်းစဉ်များ တိုးတက်မှု စသည်တို့အရေးပေါ်လိုအပ်နေသည့် အကြောင်းရင်းများကို ဆင်းရဲမွဲတေမှုလျော့ချရေး၊ လူတန်းစားပေါင်းစုံပါဝင်ရေး နှင့် ပူးပေါင်းဆောင်ရွက် ရေး၊ နှင့် စီးပွါးရေးဖွံ့ဖြိုးတိုးတက်မှုဆိုင်ရာ ရှုထောင့်အမြင်များမှတစ်ဆင့် ဤအစီရင်ခံစာတွင် ဆွေးနွေး တင်ပြထားပါသည်။ အထက်ပါအကြံပြုချက်များနှင့် အညီအကောင်အထည်ဖော်ဆောင်ပါက မြန်မာ နိုင်ငံသည် အနှုတ်သဘော ဆောင်သောလမ်းကြောင်းမှဝေးကွာ၍ ရေရှည်တည်တံ့ခိုင်မြဲသော သဘာဝ ပတ်ဝန်းကျင် အနာဂတ်လမ်းကြောင်းပေါ်သို့ ဦးတည်နိုင်ပါလိမ့်မည်။