REDD+ လုပ်ငန်းစဉ်လမ်းပြမြေပုံတွင်ပါရှိသည့် သစ်တောပြုန်းတီးမှုနှင့် သစ်တောအတန်းအစား ကျဆင်းမှုတို့မှ ကာဗွန်ထုတ်လုပ်မှု လျော့ချခြင်းနှင့် သစ်တောထိန်းသိမ်းကာကွယ်ခြင်း၊ စဉ်ဆက်မပြတ် စီမံအုပ်ချုပ်ခြင်း နှင့် သစ်တောကာဗွန်ရင်းမြစ်များ ပိုမိုတိုးမြင့်စေခြင်း ကုလသမဂ္ဂ ပူးပေါင်းဆောင်ရွက်မှု အစီအစဉ် - မြန်မာ UN - REDD အမျိုးသားအစီအစဉ် လုပ်ငန်းစဉ်များ အကောင်အထည်ဖော်ဆောင်ရေး

(၁၉၉၂) ဇွန်လ (၁၁) ရက်နေ့တွင် ရာသီဥတုပြောင်းလဲမှုဆိုင်ရာ ကုလသမဂ္ဂ ညီလာခံ သဘောတူညီချက် မူဘောင် (UNFCCC) ကို လက်မှတ်ရေးထိုးခဲ့ပြီး (၁၉၉၄) နိုဝင်ဘာလ (၂၅) ရက်နေ့တွင် ညီလာခံ သဘောတူညီချက်နှင့် (၂၀၀၃) တွင် ကျိုတို ဖြည့်စွက်သဘောတူညီချက်ကို နောက်ဆက်တွဲ အမှတ် (၁) တွင်ပါဝင်ခြင်းမရှိသည့် အဖွဲ့ဝင်တစ်ဦးအဖြစ် အတည်ပြုလက်မှတ်ရေးထိုးခဲ့သော မြန်မာနိုင်ငံသည် ရာသီ ဥတုပြောင်းလဲခြင်း၏ အကြောင်းရင်းများနှင့် သက်ရောက်နိုင်ခြေ အလားအလာများကို အပြည့်အဝ သတိပြုသိမြင်လာခဲ့ပါသည်။ သို့သော်လည်း မြန်မာနိုင်ငံသည် နိုင်ငံရေးပြုပြင်ပြောင်းလဲမှုများနှင့် စီးပွါး ရေးတိုးတက်ဖွံ့ဖြိုးမှုများ လျင်မြန်စွာ ဖြစ်ထွန်းပေါ်ပေါက်လာစေရန် ဦးတည်ချက်ထား အားစိုက် ဆောင်ရွက်လျက်ရှိသည့်နည်းတူ ဖန်လုံအိမ်ဓာတ်ငွေ့ (GHG) ထုတ်လွှတ်မှုလျော့ချရေးကိုလည်း အားထုတ်ဆောင်ရွက်လျက်ရှိပါသည်။ မြန်မာနိုင်ငံတော် အစိုးရအနေဖြင့် REDD+ ကနဦးခြေလှမ်း လုပ်ငန်းစဉ်များကို ဆောင်ရွက်ခြင်းဖြင့် ကမ္ဘာလုံးဆိုင်ရာ သဘာဝပတ်ဝန်းကျင် အရင်းအမြစ်များ ( သစ် တောများမှ ကာဗွန်သိုလှောင်သည့် ပမာဏ၊ ဇီဝမျိုးစုံ မျိုးကွဲများ) ကိုကာကွယ်စောင့်ရှောက်နိုင်ပြီး စိမ်းလန်းမှုဖွံ့ဖြိုးရေးလုပ်ငန်းစဉ်ကို ပံ့ပိုးကူညီနိုင်ခြင်း၊ မြေဆီမြေလွှာ အဆင့်အတန်းကျဆင်းမှုကို တားဆီးနိုင်ခြင်း၊ ကျေးလက်နေ ဆင်းရဲသားပြည်သူများ၏ အသက်မွေးဝမ်းကျောင်းမှုအနေအထား မြင့်တက်လာစေရန်နှင့် ရာသီဥတုပြောင်းလဲမှုနှင့်အညီပိုမို၍လိုက်လျောညီထွေ နေထိုင်နိုင်စေရန် အထောက်အကူပြုနိုင်ခြင်း စသည့် အချက်များကို သဘောတူအသိအမှတ်ပြုပြီးဖြစ်ပါသည်။မြန်မာနိုင်ငံ သည် ဆင်းရဲသည့် နိုင်ငံတစ်ခုအဖြစ် ရှိနေဆဲဖြစ်သော်လည်း စွမ်းအင်၊ ဓာတ်သထ္ထု တူးဖော်ရေးနှင့် စိုက်ပျိုးမွေးမြူရေး ကဏ္ဏများတွင် နိုင်ငံခြားတိုက်ရိုက်ရင်းနှီးမြုပ်နှံမှု များ (FDI) ကိုလျင်မြန်စွာ ခွင့်ပြုပေးလျက်ရှိနေပါသည်။ သို့ရာတွင် ပါးနပ်လျင်မြန်စွာ စီမံဆောင်ရွက်နိုင်ခြင်း မရှိပါက စီးပွါးရေး ဖွံ့ဖြိုးတိုးတက်မှုများသည် ပတ်ဝန်းကျင်နှင့် သဘာဝသယံဇာတများအပေါ် ဆိုးကျိုးသက်ရောက် နိုင်ခြေ ရှိပါသည်။ ထို့အပြင် ရာသီဥတုပြောင်းလဲမှုများကြောင့် လူမှုစီးပွါးဖွံ့ဖြိုးတိုးတက်မှုများကို နောက်ပြန် ဆွဲနိုင်မည့် ခြိမ်းခြောက်မှု အန္တရာယ်များလည်း ရှိနေပါသည်။ဤကဲ့သို့ အပြန်အလှန်ဆက်စပ်နေသည့် စိန်ခေါ်မှုအခက်အခဲများကို သဘောတူအသိအမှတ်ပြုခြင်းဖြင့် သစ်တောကဏ္ဏသည် ကျေးလက်ဒေသ ဖွံ့ဖြိုးတိုးတက်ရေး၊ နှင့်ရေရှည်တည်တံ့ခိုင်မြဲ၍ ရာသီဥတုပြောင်းလဲမှုဒဏ်ကို ကြံ့ကြံ့ခံ ရင်ဆိုင်နိုင်မည့် စီးပွါးရေးလုပ်ငန်းများ ကြီးထွားလာရေး တို့အတွက် အဓိက အစိတ်အပိုင်းနှင့် တွန်းအားဖြစ်သည်ဟူသည့် အချက်ကို နိုင်ငံတော် အစိုးရအနေဖြင့် ပိုမိုရှုမြင်သုံးသပ်လာနေပြီဖြစ်ပါသည်။ မြန်မာနိုင်ငံအနေဖြင့် REDD + ကနဦးခြေလှမ်း လုပ်ငန်းစဉ်များကို အကောင်အထည်ဖော်ဆောင်ခြင်းဖြင့် သစ်တော ကာဗွန် ထုတ်လုပ်မှုလျော့ချခြင်း၊ သစ်တောကာဗွန်သိုလှောင်မှုတိုးပွါးစေ၍ ရေရှည်တည်တံ့စေရန် စီမံထိန်းသိမ်း ထားခြင်း စသည်တို့ကို ပိုမို၍ ဆောင်ရွက်လာနိုင်မည့် အလားအလာများ ထင်ရှားသိသာစွာ ရှိနေပါသည်။