အရှေ့တောင်အာရှ စိုက်ပျိုးမွေးမြူရေးလုပ်ငန်းအတွက် နိုင်ငံတော်အဆင့် အကြီးစားမြေယာရယူ ပိုင်ဆိုင် ခြင်း လက်ရှိအခြေအနေ အကျဉ်းချုပ် အမှတ် (၈) - မြန်မာနိုင်ငံ

အမျိုးမျိုးသော လေ့လာမှုစာတမ်းများ၊ သုတေသနလုပ်ငန်းစဉ်များ၊ ပညာရှင်များ၏ ပိုမိုများပြားလာသော ထောက်ပြေဝေဖန်မှုများအရ မြန်မာနိုင်ငံသည် ကမ္ဘာလုံးဆိုင်ရာ မြေယာသိမ်းဆည်းမှု လမ်းကြောင်းတွင် ပေါက်ကွဲလု နောက်ဆုံးအခြေအနေသို့ရောက်ရှိနေကြောင်း ထိတ်လန့်စဖွယ်သိရှိရပါသည်။ သတင်း ရင်းမြစ်များအရ ဒေသခံလူ့အဖွဲ့အစည်းများ၏ မြေယာနှင့် သဘာဝရင်းမြစ်ဆိုင်ရာ ရပိုင်ခွင့်များ မှာ နိုင်ငံခြားတိုက်ရိုက်ရင်းနှီးမြုပ်နှံမှုများအတွက် ဖြေလျော့ပေးလာသည့် ဥပဒေကြောင်းရာပြုပြင် ပြောင်းလဲ မှုများအောက်တွင် တစ်ဖြည်းဖြည်းလျော့ပါးလာနေပြီး ဒေသခံများ၏မြေယာအခွင့်အရေးရပိုင်ခွင့်အပေါ် ကာကွယ်စောင့်ရှောက်မည့် ဥပဒေကြောင်းရာအကာအကွယ်များ အားနည်းလာခြင်းနှင့်အတူ ၎င်းတို့ ပိုင်ဆိုင်သည့် မြေယာများမှာလည်း နိုင်ငံပိုင်ဖြစ်လာပါသည်။ သဘာဝသယံဇာတ ပေါများကြွယ်ဝ သော်လည်း ဆယ်စုနှစ်ပေါင်းများစွာ ဖိစီးခဲ့သည့်ပြည်တွင်းစစ်ကြောင့် တည်ငြိမ်မှုကင်းမဲ့သည့် နယ်စပ် ဒေသများ၊ မျှတမှုမရှိသည့် သဘာဝသယံဇာတ ထုတ်ယူအသုံးချမှုများ၊စည်းမျဉ်းစည်းကမ်း အားနည်း စွာဖြင့် စိုက်ပျိုးမွေးမြူရေးကဏ္ဏ တိုးချဲ့ခြင်းကြောင့် ကျေးလက်ဒေသခံရပ်ရွာများ ဖယ်ရှားခံရခြင်း စသည့်အခြေအနေများကြောင့် နိုင်ငံတော်အဆင့် ဖွံ့ဖြိုးတိုးတက်မှုနှင့် ကောင်းကျိုးချမ်းသာများ ရရှိနိုင် မည့် အခွင့်အလမ်းထက် လူမှုစီးပွါး ကသောင်းကနင်းဖြစ်မှုများထံသို့ ပိုမိုဦးတည်နေပါသည်။